سه‌شنبه , ژوئن 18 2024
azfa
تازه ها

گونئی آذربایجان دئموکراتیک تورک بیرلیگی‌نین (گادتب) بئین الخالق آنا دیلی گونو موناسیبتیله بیلدیریشی

گادتب: ایللردیر بوتون دونیا 21 فئورا‌لی بئین الخالق آنا دیلی گونو کیمی قئید ائدیر. 1999-جو ایلین نویابریندا بیرلشمیش میللت‌لر تشکیلاتی بنگلادش سفیری‌نین تشبّوثو ایله فئورالین 21-ی بئین الخالق آنا دیلی گونو اعلان ائدیب. بو گونون آنا دیلی گونو کیمی اعلانی 1952-جی ایل فئورالین 21-ده بنگلادشین بنگال شهرینده اؤز آنا دیلی‌نین رسمی دیل اولماسی اوغروندا موباریزه آپاران 4 اؤیرنجی‌نین اؤلدورولمه‌سی حادثه‌سی ایله باغلی‌دیر.

بو گون گونئی آذربایجاندا آذربایجان تورک میللتی ده فاشیست ایران رئژیمی‌نین ایرقچی سیاستی نتیجه‌سینده آنا دیلینده تحصیل حقوقوندان محروم ائدیلیب. بیر عصره یاخین فارس موستملکه‌چیلیگی نتیجه‌سینده آذربایجان تورک میللتی اؤز آنا دیلینده تحصیل و ساواددان محروم اولوب. بو ایرقچی سیاست میللتیمیزین معنوی سویقیریمی و بیر میللت کیمی محوینه حسابلاندیغی اوچون بؤیوک فلاکت‌لرله نتیجه لنمیش‌دیر. آذربایجان تورک میللتی‌نین ادبی دیلی‌نین محوین‌دن علاوه، بو میللتین دیلینده علم، تئکنیکا، طب، صنایع و اونلارلا دیگر ساحه‌لری احاطه ائدن میللی-معنوی و علمی-تئکنیکی پوتئنسیالینین فورمالاشماسینا مانع اولماقلا، همین پوتئنسیال محو ائدیلمیش‌دیر. بو ایسه یوز میلیاردلارلا کومپئنساسیا ائدیلمه‌ین بؤیوک بیر خسارت و اصلینده تصوره گلمز فلاکت دئمک‌دیر. بو جینایتی ایرقچی فارس رئژیمی تؤرتمیش و بو گون ده بو جینایته وار گوجو ایله داوام ائتمکده‌دیر.

عینی زاماندا نظره آلماق لازیمدیر کی، ایرقچی فارس رئژیم گونئی آذربایجاندا اؤز دیلی و وارلیغینی قوریوب ساخلاماغا چالیشان اونلارلا آذربایجان تورکونو شهید ائدیب، مین‌لرله آزربایجانلینی حبس و ایشگنجه‌لره معروض قویموش و قویماقدا‌دیر. لاکین تایی-برابری گؤرونمه میش بو ظلم آذربایجان تورک میللتی‌نین ایراده‌سینی سیندیرا بیلمه‌ییب. سون ایللرده یوز میندن چوخ آذربایجانلی گنجین تبریزده گونئی آزربایجانین موستقیللیگی و اؤز موقدّراتینی تعیین ین آذربایجان تورک میللتی‌نین حقوقو اولدوغونا دایر پلاکات قالدیریب، “آذربایجان بیر اولسون، مرکزی تبریز اولسون” و “تورک دیلینده مدره‌سه، اولما‌لی‌دیر هر کسه” شعاری سسلندیرمه‌لری بونا ثبوت‌دور. البته آذربایجان تورک میللتی‌نین اؤولادلارینین “تورک دیلینده مدره‌سه، اولما‌لی‌دیر هرکسه” شعاری سسلندیرمه‌لریندن مقصدی رئژیمین اونسوز دا عمل ائتمه دیگی اؤز کونستیتوسیاسینین 15-جی ماده‌سی دئییل، موستقیل آذربایجان دؤولتینده اؤز دیل‌لرینده تحصیل آلماق حاقی‌دیر. چونکی، گرچک آنلامدا آنا دیلی‌نین قورونماسی ساده‌جه اونون سیاسی -جغرافیا و موستقیل دؤولتی اولدوغو تقدیرده مومکوندور.

دیل اینسان حیاتیندا ان اؤنملی یئره مالیک اولدوغو اوچون بئین الخالق حقوق، کونوئنسیا‌لار و اؤزللیکله 1948-جی ایلده قبول ائدیلن اینسان حاقلاری کونوئنسیاسیندا واز کئچیلمز بیر حاق کیمی تثبیت ائدیلمیش‌دیر. لاکین گونئی آزربایجانین ایرقچی فارس رئژیمی طرفین‌دن ایشغا‌لی نتیجه‌سینده میللتیمیزین تکجه دیل حقوق پوزولمور، بلکه بوتون حقوق‌لاری پوزولور، یئرالتی ثروت‌لری تالانیر، ائکولوگیاسی و تاریخی عابده‌لری محو ائدیلیر. آذربایجان تورک میللتی‌نین آرتیق تک یولو وار، او دا موستقیللیک‌دیر. گادتب آذربایجان تورک میللتی‌نین دیل حقوقو اوغروندا موباریزه‌سی ایله یاناشی اساس مقصدین صیرف موستقیللیک اولدوغونا بیر داها تاکید ائدیر.

اژدر تاغی‌زاده

گونئی آذربایجان دئموکراتیک تورک بیرلیگی‌ (گادتب) باشقانی

دوباره امتحان کنید

افزایش حمایتهای نظامی ایران از سازمان تروریستی پ‌ک‌ک

گادتب: به گزارش مرکز گادتب، یک گروه از واحد اطلاعاتی ایران و اعضای حشد الشعبی …

تداوم اعتصاب غذای زندانیان سیاسی آذربایجان در زندان اوین

گادتب: امروز ۷ روز است که زندانیان سیاسی آزربایجان در زندان اوین با اعتصاب غذا …