ادتاج اتحادیه دمکراتیک ترک آذربایجان جنوبی
گادتب: ائتگی و تئبگی نیظامیندان دوغان قارشیلیقلی سیاسی موناسیبتلر دوغال و قاچینیلمازدیر و آزربایجان میلی حرکاتی دا بو نظامدان استثنا اولمور ، آزربایجان میلی منافعین دوشونن و بو قوتسال هدف دوغرولتوسوندا حرکت ائدن آزربایجان میلی مدنی فعاللاری متمادی اولاراق ایچدن و دیشدان جور به جور تعرضلارا معروض قالمیشلاردیر.
ایللر بویو موباریزه آپاران و بو قیزقین موجادیله اوجاغیندا پیشیب سواریلمیش پولادلاشمیش ایگید میلی مدنی داوا آرخاداشلاریمیز، تاپتالانمیش اؤز میلی و انسانی حاقلارینین بیلینجینده دیرلر و هر هانسی بیر فیکیر و دوشونجه آیریلیغینا باخمایاراق بوتون شخص گروه و تشکیلاتلارین شخصی سلیقه و اختلافلاری بیر کنارا بوراخیب بیر جبهه ده اولمالی و دئموکراتیک ده یرلر اساسیندا توپلوملا بیرلیکده یالنیز و یالنیز تک بیر آماج یعنی وطن و میلت اوغروندا آزربایجان میلی منافعی اطرافیندا بیرلشملی و باشقا هئچ نه یی دوشونمه ملی دیرلر.
بیزیم یگانه چیخیش یولوموز ملی بیرلیکده دیر ، آزربایجان میلی فعاللارینین ایندی کی شرایطده بو بیرلیگی قیرماق و اونا خلل گتیرمک ایسته یه ن داخیلی و خاریجی دوشمانلار و اونلارین حرکات داخیلینه سیزمیش اه ل آلتیلاری ، آزربایجان میلی بیرلیک و اؤز موقدراتینی تعیین ائتمه حاقینین ائله جه ده آزربایجان سعادتینین اه ن بویوک مانعه سی ساییلیر .
بؤلگه ده باش وئرن حادثه لر و گئتدیقجا گرگین لشن وضعیتده ، دؤرد جبهه ده ن میلی بیرلییمیزه سالدیران ازلی دوشمانلاریمیز هر دایم بو بیرلییی هدف آلیبلار و الرینده کی بوتون ایمکانلارینی قولاناراق فیتنه ، نیفاق یاراتماغا چالیشیرلار ، کیمی زامان دیلچی بایراقچی دئیه ، کیمی زامان آزربایجانچی و تورکچو دئیرک بو آیریلماز بوتونلویو بیر- بیریندن آیریب قارشی قارشییا قویماغا چالیشیبلار، بونون داوامی اولاراقدا بو آرالار فئدرال استقلال اویونونا باشلایبلار آنجاق آزربایجان ملی فعاللارینین بونلارین فرقینده اولدوقلاری حقیقتیندن قافیلدیرلر.
ائله جه ده سون واختلار جریان ائدن نیفاق و تخریب ماهیتی داشییان عمللراو جمله دن لیدرلیک و شهرچیلیک و سایره داوالارینی دا بو چرچیوه ده ، ده یرلندیریب و بیله رکدن یا خود بیلمه یه رکدن بو چیرکین اویونا داخیل اولان هر بیر کیمسه نی اؤزلیکله آزربایجان ملی حرکاتیندا کئچمیشی اولان شخص و گروپلاری اویارماقلا حوکوملو اولدوغوموزدان بو اویونا آلت اولانلارا خبردارلیق ائدیریک . بیلسینلرکی توتدوقلاری یول یالنیش و خیانت یولودور و هئچ بیر یالنیش تبعاتسیز قالماییب و قالمایاجاق و بو وسیله ایله بوتون میلی فعاللاریمیزدان طلب ائدیریک کی اینسانلارین موقع ، منسب ، گئییم و یاشینا ، باشینا باخمادان کیم اولور اولسون عمللری و عمللرینین نتیجه سی اساسیندا ، آزربایجان میلی منافع و حرکاتین ایلکه لرین گؤز اؤنونده بولوندوراراق ده یرلندیرسینلر ، اوندادیرکی کیمین نه یه قوللوق ائتدییی اورتایا چیخار .
بئله لیکله ده تخریباتین هدف تاختاسینا قویولان دیرلی ملی فعاللاریمیزدان کی آغساقاللاریمیزی دینله یب صبیرلی و تمکینلی اولوبلار تشکورائدیریک.
جوما 1397/10/14 تبریز
یاشاسین آزربایجان
