ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون 30 آوقوست – تورکیهنین ظفر بایرامی ایله باغلی تورکیه جمهوریتینین آوسترالیاداکی باش کونسوللوغونون تشکیلاتچیلیغی ایله تدبیر تشکیل اولونوب. تدبیرده آوسترالیا آذربایجانلیلاری آسوسیاسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری سایین میکاییل بی اویتا یوکسک سویهده ایشتیراک ائدهرک چیخیش ائدیب.
سیدنئی شهرینده ایکی مختلیف یئرده کئچیریلن تدبیرده تورکیه جمهوریتینین آوسترالیاداکی باش کونسولو، آواسترالیا مدافعه ناظرلیگینین حربچیلری، گونئی آذربایجان دئموکراتیک تورک بیرلیگی”، “تورک کؤرپو موزیک صنعتکارلار آسوسیاسیاسی” و آذربایجان ، تورکیه و شیمالی کیپر تورک جمهوریتینی تمثیل ائدن دیگر تشکیلات رهبرلری ایشتیراک ائدیب.
قئید ائدک کی، آوقوستون 30-و تورکیه تاریخینین ان اؤنملی گونلریندن بیری – ظفر بایرامیدیر. 1922-جی ایل آوقوستون 30-دا تورکیه اوردوسو مصطفی کمال پاشانین کوماندانلیغی آلتیندا قورتولوش ساواشینین طالعیینی حل ائدهجک ظفر قازاناراق اؤلکهنین جنوب-غربینی یونان ایشغالیندان آزاد ائدیب.
