ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا فدرال حکومتی‌نین باش ناظری سایین ایسکوت موریسون آوسترالیا آذربایجان آسوسیاسینین پرئزیدئنتی گادتب بئین الخالق علاقه‌لر دئپارتامئنتی‌نین صدری سایین میکاییل اویتایا تشکّور مکتوبو عنوانلامیش‌دیر.
آوسترالیا فدرال حکومتی‌نین باش ناظری سایین ایسکوت موریسون اؤز مکتوبوندا سایین اویتانین آوسترالیادا مئشه یانغین‌لاری زامانی دؤولتین یانغینی سؤندورمه‌ده سعی‌لرینی حمایه ائتدیگی اوچون اونا تشکّور ائتمکله یاناشی سؤز وئرمیش‌دیر کی، آوسترالیا فئدئرال حکومتی یاشانان فلاکتین نتیجه‌لرینی آرا‌دان قالدیرماقدا چالیشا‌جاق.
قئید ائدک کی، 2020-جی ایل یانوارین 4-ده آوسترالیا آذربایجان آسوسیاسینین پرئزیدئنتی، گادتب بئین الخالق علاقه‌لر دئپارتامئنتی‌نین صدری سایین میکاییل اویتا آوسترالیا فدرال حکومتی‌نین باش ناظری ایسکوت موریسونا مکتوبلا مراجعت ائتمیش و آوسترالیادا چوخلو ضرره سبب اولان مئشه یانغین‌لاریندا دؤولتین سعی‌لرینی حمایه ائتدیکلرینی بیلدیرمیش‌دیر.
