ادتاج اتحادیه دمکراتیک ترک آذربایجان جنوبی
گادتب: ایراندا شیرازلی حافیظی سئومهین آداملار دا واردیر آما اونو مسخره ائدن آداملار یوخ حئسابیندادیرلار چونکو اونون آدی همهشه رسمی تریبونلار، خییاوان تابلولاری و درسلیک کیتابلاردا گؤزه سوخولوب، اوجا_ اوجا کورسولردن سسلهنیبدیر. حافیظ و اونا تای شاعیرلرین توخونولمازلیغی رسمیلیکدن دوغان گوجدور و فیضولی کیمی شاعیرلرین مظلوملوغو، اونلارین رسمی مقاملاردان سیلینمهلریندهدیر.
بو نیفرتلی ویدیودا ایکینجی مقامدا واردیر. هم صایب و هم فیضولی تورکدور آما بیری اؤز دیلینه و باشقاسی اؤزگه دیلینه خیدمت ائتمیش و محض بونا گؤره بیری وارلیغیمیز و دیلیمیزه دوشمن اولان یالاقلار طرفیندن سئویلیر و باشقاسی نیفرته معروض قالیر:
سنین بو تعریفلره، هئچ بیر احتیاجین یوخ
آنادیلی نه راکئت، نه قیلینجدیر، نه ده اوخ
قیلینجدان داها کسکین، راکئتدن داها گوجلو
یاراغیمیزدیر بیزیم.
تکجه دیلیمیز دئییل، وارلیغیمیزدیر بیزیم.
یاد مکتبه وئریلیر، اومیدیمین قالاسی
او قاراقاش، قاراگؤز، آذربایجان بالاسی.
آناتورپاغین آلتدا، یاتابیلمز فیضولی
آناتورپاغین اوسته، سسلنمهسه غزلی.
منه ائله گلیرکی، موغانیمدا میلیمده
سونبوللر ده سسلهنیر
منیم آنادیلیمده.
دانیش خبردار ائله تبریزدهکی والینی؛
دیلیمه خور باخانین، خلقیم کسر دیلینی.
