گادتب: ايشغالچي ايران رئژيمينه قارشي ميتينگلره چاغيريش
ايران ايشغاليندا و ظلم آلتيندا اولان ميلتلر
سون قيرخ ايلده تئررور، جينايت، ايشغالچيليق، بين الخالق قانونلارين و اينسان حاقلارينين پوزولماسي، يوخسوللوق و فلاکتدن باشقا ايشغال و ظلم آلتيندا اولان ميلتلر، ائله جه ده منطقه و دونيايا هئچ نه وئرمهين دالان ديرنميش ايسلام جومهوريتي رئژيمي عؤمورونون سونونا چاتيب.
ايشغالچي ايران رئژيمي ايشغال آلتيندا اولان ميلتلري چاپيب-تالاميش و غصب ائتديگي پوللار حسابينا منطقه و دونيا اؤلکهلرينه تئررور ايخراج ائدهرک، منطقه ده و دونيادا اساس توققوشمالارين سببکاري و بشريته تهديد کيمي چيخيش ائدير. ايران رئژيمي اينفيلياسيياني و قييمتلري دهشتلي درجهده آرتيرديغي، اينسانلاري گوندهليک طلباتا مؤحتاج ائتديگي و غئيري-فارس ميلتلري آغير فلاکته سؤوق ائتديگي حالدا کلان سرمايهني منطقه ده غئيري-ثابيت وضعيت ياراتماغا خرجلهيير. بئله کي، رئژيم سون آيلاردا اهالينين امک حاقيني بئله اؤدمير و اونلار آيلارلا امک حاقي آلا بيلميرلر. ايقتيصادي وضعيت گوندن-گونه پيسله شير و اهالي گئجه چؤرگينه مؤحتاج قالير. اونا گؤره ده اؤز حقوقلاريني برپا ائتمک اوچون کوچه يوروشو و اعتيراضا باشلاميشدير.
آيديندير کي، رئژيمين بو غارت و ظلم سيياستينين اساس قوربانلاري ايران موستملکهسي آلتيندا اولان غئيري-فارس ميلتلر اولموش و ان چوخ ايقتيصادي و اينساني قوربانلار دا اونلار آراسيندان اولموشدور. اونلار رئژيمين موستملکهچيليگي ايله موباريزهده و ايشغالچيلاري اؤز اراضيلريندن چيخارماق اوچون آپارديقلاري آمانسيز موباريزهده ده اؤندهديرلر.
سنگرداشلار:
ايشغالچي ايران رئژيمي بين الخالق اعتيباريني ايتيرهرک، ضعيفلهميش و تجريد ائديلميشدير. عئيني زاماندا رئژيمه قارشي اعتيراضلار دا آرتميشدير. بيزيم وظيفه میزدير کي، آياغا قالخيب اؤز ميللي شوعارلاريميزلا موستملکهچي ايران رئژيمينه اؤلومجول ضربه ائنديرهرک، هميشهليک بو موستملکهنين اسارتيندن قورتاراق. آيديندير کي، غئيري-فارس ميلتلرين ايجتيماعي خوشبختليگي، ايقتيصادي ريفاهي و ميللي تهلوکهسيزليگي يالنيز ايشغالدان قورتارماق و موستقيلليکدهدير.
بئلهليکله، ايراندا ميلتلرين موقدراتيني تعيين ائتمه اوچون ميللي جبهه ايرهلي گلميش بو فورصتي ديرلنديرهرک، ايراندا ايشغال آلتيندا اولان بوتون ميلتلري باشدان آياغا جينايته باتميش ايران رئژيمينه قارشي هر نؤوع اعتيراضي دستکلهمهيه و ميللي شعارلار چرچيوهسينده موستملکهچي ايران رئژيمينه قارشي آياغا قالخماغا، رئژيمه قارشي محاصيرهني مؤحکملنديرمهيه و خالقلارا آزاليق موشتولوقچوسونا چئوريلمهيه چاغيرير.
قوي موستملکهچي ايران رئژيمينه قارشي غئيري-فارس ميلتلرين بيرليگي داها دا گئنيشلنسين
ايراندا ميلتلرين موقدراتيني تعيين ائتمه اوچون ميللي جبهه
26 اييون 2018