گادتب: هر باخیشدا چالیبان کیرپیگی مضراب کیمی بیر قولاق وئر ، بو سینیق قلبی نه ساز ایلهمیسن ؟
آنا دیلیمیز بیلمیرم نهیه گوره رسم اولوب هر کیمسه غرب کولتوروندان یاشایشیندا چوخ ایشلتسه او قدر کیلاسلیدی !
بونون دلیللرینین بیری ، بیزیم اوز کولتورموزلا فولکلوروموزا تانیش اولماماقیمیز اولا بیلر ، دئملی دی بیزیم اوزوموزون اَن گوزل دبلریمیز اولا_اولا ، هر دن اوزگه کولتورلارینین دالیسیجا گئدیب ، اوزوموزی اونودورو
آمما هامی گوناهلار بیزده دئیل !
فولکلوردان ، کولتوردان دانیشانمیز یوخدو ، تلویزیونوموزلا قئزئتلریمیزده ، بو سیرادا آز دانیشیر و دئملی اولا بیلریک هئچ دانیشمیر !
بو دبلرین بیری “سونآی”دیر
نئچهمیز بونون آدین ائشیتمیشیک ؟!
آمما بیر آیری کلمه دییرم : #ولنتاین
دا بونو هامینیز ائشیدیب سینیز !
ولنتاین گوزل بیر رسمدیر ، بیز بو گونون گوزلیکلرین دانمیریک ، آمما بیزیمده کولتورموزدا بیر گون وار سئوگیلیلر اوچون بو گونون آدی “سونآی” دیر.
“سونآی” آزربایجانین ولنتاینیدیر.
یایین سون آیی خَرمنلر ییغیشار گئجهلر آی چیخار هئچ زامان آیین باخیشییایین سون چاغی کیمین سئودالی اولا بیلمز
سونآی ندی ؟
سونای بیر یوکسک رسیمدی، ایسلامدان قاباقدان ایندیه کیمی ، بو گوزل رسیم دیری ساخلانیب ، اونودولمویوب.
دوزدو بو رسیم گئتدیکجه ، اوز رنگین الدن وئریب ، آمما ایندی ده چوخلو کندلرده بو گون سئوگیلیلر گونونه آدلانیر.
سونآی آدیندان گلن کیمی ، آیین سونونلا باغلانتیسی وار.
بیز آزربایجانلیلارین فولکلوروندا، آیین یوخاری یئری وار و بو کلمه ، افسانه لریمیزده چوخ قولاقیمیزا چاتیب.
سونآی ایلین او گونودور کی گوندوزنن گئجه بیر حدده یئتیشیب ، اصطلاحدا
” اعتدال “حدینده اولورلار.
دئمک اولار بو گون ، یایین سون گونودور آزربایجاندا ، سئوگی گونو بو گئجهده ، گونله اولدوز ۱۸۰ درجهلی زاویهده قرار تاپیب ، گون باتاندا دوز بیربیرین اوستونه دوشورلر.
بو صحنه چوخ سرعتله اوز وئریر ، آمما بو آن ابدیته کیمی ایدامه تاپیر ، یوکسک افسانهلرده ، بو صحنه عشقه تعبیر اولوب ، سئوگیه بیر سئوگی که سونو یوخدو
آمما بو گونو نئجه دیری ساخلاماق اولار ؟ بیزلر ائلیه بیلریک ولنتاین کیمی ، سونآییدا دیری ساخلایاق.
نئجه کی ولنتاین ین نمادی قیرمیزی قولچاقلار یا آیری شیلر اولوب ، سونآیین دا نمادی آی شکلینده قولچاقلار یا آیری نمادلار اولا بیلر که بیزلر دوزلدیب ، بیر بیریمیزه پای وئریب ، سونآیی رواج وئره بیلریک.
زومار(شهریور) آیی نین ۳۱_اینجی گونو ، آذربایجانلی لارین کولتوروندا ، سونای گونو آدلانیب ، دونیادا فئوریه نین ۱۴_اینجی گونو ، ولنتاین آدلاندیغی کیمی.
سونای گونو آزربایجان دا سئوگیلیلر گونودور.
آزربایجان کولتوروندا گونش و آی سئوگیلیدیلر.
بو سئوگیلیلر هئچ زامان بیربیرینه چاتمازلار آما سئوگیلری اورهک لریندن سیلینمهز ، سونای گونو بو ایکی سئوگی بیربیرینین اوزون گورورلر و سئوگی لرین ، عشقلرین یئنیله دیرلر.
گونوموزده آراشدیریچیلاردا بونو اثبات ائتمیشدیلر ، بو گونده گوندوز و گئجه نین اوزونلوغو بیر اولارکن آی و گونش بیر دوز خطین اوستونده دورورلار.
اومود کی گنجهلریمیز بوگونو دیریلدیب سئوگی لرینه قوتلاسین لار.
سون ایللرده بیزیم یئرلرده والنتاین گونو آدلانان بیر سئوگیلیلر گونو دونیانین هر یئرینه تای ، بوردا دا گنجلرین طرفیندن قوتلانیر.
“سونای”لا والنتاین سئوگیده اورتاق اولدوقلارینا گوره نظره گلیر بیر-بیرلرینین یئرینه اوتورا بیلرلر.
داها دوغروسو سونای دونیالاشمیش والنتاینین یئرینه اوتورماق قابلیتیندهدیر ، بو ایش آزربایجاندا اوتورا بیلسهده باشقا یئرلرده اوتورا بیلمهیهجک ، عئینی حالدا آزربایجاندا اوتورماغینا بیر دوولتین یاردیمی گرهکیر.
اوخشار اولایلاری سرگیلمک اوچون بیربیرلریندن فایدالانمالیییق ، آنجاق بیرینی بیرینین یئرینه قویماق تپگی یارادار.
والنتاین گونون یاخین ایللرده بورالاردا یاییلماغینا باخمایاراق اوزونه اوزل یئر آچیب ، دونیالاشمیش بیر اولایا چئوریلیب
سونایی دونیالاشدیران ، بو قابلیتیندن باشقا بیر قابلیتیده واردیر ، اودا تیکرارلانان ابدی دوغا یاپیلی بیر سئوگی دیر ، ابدی بیر سئوگیده سئوگیلیلر هئچ زامان بیربیرلرینه یئتیشمهییب سئوگی هئچ زامان اؤلمز ابدیلهشیب، هر زامان یاشار
گون ایله آی کیمی
اونلارین آراسیندا اولان سئوگی بیتیرسه بیز تانیدیغیمیز یاشام ، بیتر.
بیز سونایی والنتاینین یئرینه یوخ بلکه سونایی بیر ابدی و تیکرالانان سئوگی گونو کیمی دونیالاشدیرمالیییق
سونای گونو بیزیم ائللر ایچینده آز تانینیب ، گلین سئوگی گونونه چوخلی ارزش ورهک ، بو گئجه سئوگیلر چوخلو بیربیرنن اولالار ، بعضی لری گئدللر اشیه بعضیلریده ائده با هم اولالار ، کادو ورمک چوخ یاخجی بیر ایشدی کی محبتی چوخالدار