ادتاج اتحادیه دمکراتیک ترک آذربایجان جنوبی
گادتب: قارداش تورکیه نین بوتونلوکله اؤزونه باغلی اولدوغو و اؤزگه لردن باغیمسیز اولماسی دؤنمی باشلامیشدیر.
گوجلو تورکیه، وطن سئور تورکلرین گوجوایله بیر چوخ ساحه لرده باشاریلارا ایمضا آتمیش و بوتون ایمکان لارینی اورتایا قویموشدور و گونو گوندن ایلری گئدیر.
قیسا سوره ایچینده اورتدییی یئرلی و میللی ساواش سیلاح لاری ایله بؤلگه باریشینی ساغلامایا ایره لی گئدیر .یئرلی اوچاق پارچالاری، یئرلی آرابا اوره تیمی ،یئرلی فابریکا ابزارلاری،یئرلی قیدا اورون لری و بیر چوخ ساحه لرده باشاریلارین آرتیرمیشدیر.بودا تورکون ذاتیندا اولان خیصلت دن آصیلی دیر.
تورکیه نین سون الده ائتدییی قارادنیز ده دوغال گاز قویوسونون کشفی تورک دونیاسینی و باریش سئور اینسانلاری سئویندیرمیشدیر ،آردیجا قارادنیز ده اوچ قاتلی قویونون هله بیرینجی قاتینا ال تاپاراق ایکینجی و اوچونجو قاتینا وارماغی خبرلری ده یاخینلاردا تورک میللت لارینی اؤزللیکله قانداش آزربایجانی و تورکیه نین دوستلارینی سئویندیریب دوشمن لرینی ناراحت ائده جکدیر .
بو اؤنملی قایناقلار تورکیه نین بؤلگه ده کی پتانسیل لرینی و گوجونو اولدوقجا گئنیشله دیب و تورکیه یه اینانیلماز اوغورلار قازاندیراجاقدیر.
تورکیه، دوغال گاز و یاناجاق اورون لرینی ایران لا روسیه دن تامین ائتمک زوروندایدی، بو ایسه بؤلگه نین اسکی و یئرلی اؤلکه سینی بویوندوروق دا ساخلامیشدیر.
تورکیه نین دوغال گازا ال تاپماسی ایقتیصادی باخیمدان و ان اؤنملی سی اؤزگه لره باغلی اولماقدان قورتولماسی دیر.
هر کیم بیلمه لی دیر تورک لرین اسکی گوجونه دؤنمه سی،دونیادا ساواش دئییل ترسینه دونیا دوزه نینی ساغلاییب و باریش گتیره جکدیر. تورکلر تکجه میللت دیر تاریخ بویو کؤله اولماییب هئچ کیمه یئنیلمه میشدیرلر.
طبیعی دیر دیکتاتوری چین و تورکیه نین قونشولوغوندا اولان ایران و روسیه کیمی خائین اؤلکه لرده، بیر تورک اؤلکه سینین هر قونودا باغیمسیزلیغینی ایسته مزلر ،نه ده نی ده تورکیه نین گوجلو اولماغی اونلاری اولدوقجا راحاتسیز ائده جک و بؤلگه دوزه نی قاریشاجاق ، آما بونو بیلمزدن گلیرلر،تورکیه سیز اورتادوغو اولماز.
تورکیه نین اورتادوغودا گوجلنمه سی ،تئروریزمی یارادان و دستکله ین ایران و روسیه نین ساواش آلانلاریندان اوزاقلاشماسی آنلامیندادیر .
دونیا گوجلری ده یاخجی بیلیرلر،تورک لر ،روس لار و ایرانلی لار کیمی باج وئرمزلر، ساواش بؤلگه لری سوریه،عراق، افغانستان و لبنان دا ایران لا روسیه نین یئرینه تک آلترناتیو اؤلکه تورکیه دیر .
تاریخ ده اولدوغو کیمی، تورکلرین پارلاق دؤنمی و بیرلییی موطلق یئنی دن یاراناجاق و قارداش تورکیه نین گوجلنمه سی ان چوخ ایران اسارتینده اولان گونئی آزربایجان تورکلرینین گله جه یینی آیدینلاتاجاق .
گونئی آزربایجان تورکلرینین دوغال قایناقلارینی سوموران ایران رئژیمی سونوندا داغیلاجاق و زنگین گونئی آزربایجان دؤلتی یاراناجاق،بو آخیم تاریخین ایسته یی دیر و هئچ نه بونون قاباغینی آلابیلمز ، اوزامان تورکیه نین یانیندا قارداش بیر گونئی آزربایجان اولاجاق.
