ادتاج اتحادیه دمکراتیک ترک آذربایجان جنوبی
گادتب: هونلار تورکلرین ان تانینمیش بؤیوک طایفالاریندان ساییلیر.
هون لارین بؤیوک حاکیملری بومین خان و مته‌خان و اونون نوه‌لری بیرینجی مین ایل میلاددان قاباق بوتون آسیا توپراقلارینا و چینین بؤیوک بولگه لرینه حکومت ائله دیلر.
هون امپراطورلوغو میلاد اول لرینده بؤلونه رک ، هونلارین بیر بؤلومی میلادی دؤردونجو یوز ایل‌ده آوروپایا کؤچدولر.
آوروپا هونلاری یا باتی هونلارینین بؤیوک حاکیملرینین بیری آتیللا آدیندادی.
آتیلا بوتون آوروپانی فتح ائله‌دی و روم امپراطورلوغو اونون وئرگی وئره‌نی اولدو.
بعضی غرضلی مورخلر، آتیللانین بؤیوک تورک امپراطورلوغو قوردوغو اوچون اونو پیسله‌یرلر ، اما تاریخی حادثه‌لر نشان وئریر آتیلا هم گوجلو بیر حاکیمیدی و هم عادیل و اینصافلی امپراطوریدی ؛ چونکو او ایکی یول روم شهرینی فتح ائله‌دی ولی هئچ قتل و غارته یول وئرمه‌دی.
آتیللا بؤیوک توپراقلاری آوروپا دا تورکلره آچدی و سبب اولدو تورکلر بوتون آوروپادا یاییلدیلار و سونرالار خزر، بلغار ، آوار ، مجار و قیبچاق و سونرالار عثمانلی امپراطورلوغونو قوردولار.
آلمانلیلارین افسانوی داستانلاری نیبه لونگئن افسانه لری آتیللا دؤنملرینه عایددی و آتیللا او داستانلاردا بؤیوک شخصیت کیمین تانینیر ، آتیللا تورک قهرمانلارینین ان بؤیوک سلحشور، عادیل و گوجلو سمبلی ساييلير.
