ادتاج اتحادیه دمکراتیک ترک آذربایجان جنوبی
ایشیق سایتینین یایدیغی معلوماتا گؤره، اردبیل شهری‌نین تانینمیش حکیم و شاعری دوکتور یوسف معماری دوشنبه شهریورین ۱۴-جو گونو وفات ائتمیشدیر.
دوکتور یوسف معماری ۱۳۲۰نجی ایل اردبیل شهری‌نین پیرعبدالملک محله‌سینده دوغولموش، ابتدایی و اورتا تحصیلاتینی بو شهرین صفوی مدرسه‌سینده، عالی تحصیلاتینی ایسه تهران دانشگاهی‌نین گؤز حکیملییی بؤلومونده بیتیرمیشدیر.
دوکتور معماری ائل آراسیندا حؤرمتلی بیر اجتماعی شخصیت و تورک دیللی شاعر کیمی تانینمیشدیر. اونون بیر چوخ شعرلری داها آرتیق تبریز و اردبیلده نشر ائدیلن آنا دیللی مطبوعات اورقانلاریندا یاییلمیشدیر. بونلاردان علاوه، دوکتور معماری «عمر خیام»ین رباعی‌لری‌نین بوتونونو آذربایجان تورکجه‌سینه ترجمه و کیتاب شکلینده نشر ائتمیشدیر.
