ادتاج اتحادیه دمکراتیک ترک آذربایجان جنوبی
گادتنب: ماراغا گونو قوتلو اولسون
اردیبهشت آیینین اون آلتیسی (۱۶) ماراغا گونو آدلانیب .
ماراغا شهریندن دانیشاندان بیر تاریخ دن دانیشماقدیر .
بو شهردن آد آپاراندا ، ایفتیخارلی گئچمیشی خاطیرلاماقدیر .
ماراغا آدی، رصد خانا آدیلا باغلانیب، یعنی اوز زامانیندا دونیانین ان اونملی علمی شهرلریندن .
ماراغا شهریندن آد آپارماق، جننتین بیر گوزل پارچاسیندان آد آپارماقدیر .
ماراغا آدی گلنده صلابتلی سهند داغی فیکیره قونور.
سهند دئیرکن بویوک میللی شاعیر «بولود قره چورلو» او ده یرلی و تایسیز اینساندان آد آپارماماق، تاریخ حاققیندا جفا ائتمک دیر .
آدلیم شاعیریمیز شهریار نه گوزه ل و نه یئرلی بولودین حاققیندا دئمیش« شاه داغیم ،چال پاپاغیم، ائل دایاغیم شانلی سهندیم، باشی طوفانلی سهندیم »
ماراغادان آد آپارارکن بویوک اینسانلاردان آد آپارماقدیر . او اینسانلاردان کی تاریخ واراقلاریندا ، اونلارین آدی پارلاییر .
ماراغادان دیمک گوزه ل سویوق چایینین دورولوغو و بو شهرین و اوندا یاشایان اینسانلارین صافلیغیندان دیمکدیر .
درین فیکیرله شنده گورورم بو شهره دوغرو و یئرلی آد یعنی ماراغا آدی وئریلیب .
نیه کی بو شهر عشق و سئوگی شهری، علم و ادبیات شهری، بویوک عالیم و سیاستچی لر شهری، بویوک موباریز لر شهری و جنت میثالی گوزل و تایسیز بیر شهردی.
