ادتاج اتحادیه دمکراتیک ترک آذربایجان جنوبی
گادتب: 98 ایل اؤنجه 1922-جی ایل آوقوستون 30-دا تورک دونیاسینین اومید یئری تورکیه‌میزده بؤیوک مصطفی کمال آتاتورکون باشکوماندانلیغیندا دوملوپیناردا قازانیلان بؤیوک غلبه ظفر بایرامی آدلانمیشدیر. بو بایرام تورکیه تاریخینه بیرینجی دونیا محاربه‌سیندن مغلوب چیخان عثمانلی دؤولتی‌نین ایشغالچی اؤلکه‌لر، تورک دوشمن‌لری آراسیندا پایلاشدیریلماسی پلانلارینین قارشی‌سینین آلینماسیندا چوخ اؤنملی رول اوینامیش‌دیر. بؤیوک مصطفی کمال آتاتورکون باشچیلیق ائتدیگی تورک میللتی بوگونکو تورکییه جمهوریتینی دیرچلتمک اوچون بؤیوک موجادیله و قوربانلار وئرمیش‌دیر.
ایشغالچی اوردولارین تورکیه سرحدلریندن چیخاریلماسی بیر قدر سونرا باش وئرسه ده، 30 آوقوست سیموولیک اولا‌راق تورکیه تورپاق‌لارینین گئری آلیندیغی گونو تمثیل ائدیر. بو ظفر اصلینده تکجه تورکییه‌نین دئییل، گونئی آذربایجانین، ائله‌جه ده بوتون تورک دونیاسینین ظفری‌دیر.
میلیونلارلا تورکون قانی باهاسی ایله قازانیلان غلبه بشر تاریخی‌نین ان آغیر سیناق‌لارین‌دان کئچمیش بیر میللی ظفردیر. بوتون دونیانین دوشمن چابا‌لارینا قارشی یئنی تورکیه‌نین یارانماسی اینسان ایراده‌سینی اورتایا قویموش اولدو. گادتب اولا‌راق بو بؤیوک بایرام مناسیبتیله بوتون تورک سویداش‌لاریمیزی تبریک ائدیریک.
گونئی آذربایجان دئموکراتیک تورک بیرلیگی (گادتب)، ائله‌جه ده شخصاً اؤز آدیمدان بو بایرام موناسیبتیله بؤیوک تورک دؤولتینی، تورک میللتینی و تورک دونیاسینی تبریک ائدیرم.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
