ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی پرئزیدئنتی و گادتب بین الخالق علاقهلر دئپارتامئنتینین صدری سایین میکائیل اویتا ایشغالچی ائرمنیلرین آذربایجان داغلیق قاراباغ بؤلگهسینده قانونسوز کئچیردیکلری سئچکیلرینین ایفشاسی ایله باغلی آوسترالیالی میللت وکیلی دؤکتور هاگ مک درموتت-آ مکتوب عنوانلاییب.
سایین اویتانین مکتوبوندا یازیلیب:
بو یاخینلاردا آزربایجانین ایشغال اولونموش داغلیق قاراباغ اراضیسینده کئچیریلمیش قانونسوز سئچکیلرله باغلی سیزه یازیرام.
بیلدیگینیز کیمی، 1993-جو ایلده تخمیناً 1 میلیوندان چوخ آذربایجانلی ائرمنی قوهلری طرفیندن داغلیق قاراباغداکی آتا-بابا یوردلاریندان زورلا سورگون ائدیلمیشدیر. او واختدان بری بؤلگهدکی ائتنیک چوخلوق ادعاسی اوچون 100 میندن چوخ ائرمنی قانونسوز اولاراق داغلیق قاراباغا کؤچدو. بیرلشمیش میللتلر تشکیلاتینین باش آسامبلئیاسی ائرمنیستانین آذربایجان تورپاقلارینی قانونسوز ایشغال ائتمهسینی دایم پیسلهییب. بو مسئلهده ائرمنیستانا قارشی دؤرد قطعنامه قبول ائدیلمیشدیر. بوتون بین الخالق سیاسی استاندارتلارا اویغون اولاراق، غیری-قانونی سئچکیلری پیسله مک لازیمدیر و ائرمنیستان آذربایجانلی قاچقینلارین داغلیق قاراباغداکی ائولرینه قاییتماسینا ایمکان یاراتماسی اوچون تشویق ائدیلمهلیدیر. آذربایجان خالقینین داغلیق قاراباغین قانونسوز ایشغال اولونموش اراضیلرینده کی ائولرینه قاییتماسیندان سونرا بؤلگهده دئموکراتیک سئچکیلر مومکون اولاجاق.
میکائیل اویتا
آوسترالیا آذربایجان آسوسیاسی پرئزیدئنتی
مکتوبون اینگیلیسجه متنینی تقدیم ائدیریک:
