ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسی پرئزیدئنتی و گادتب بین الخالق علاقهلر دئپارتامئنتینین صدری سایین میکائیل اویتا ایشغالچی ائرمنیلرین آذربایجان داغلیق قاراباغ بؤلگهسینده قانونسوز کئچیردیکلر سئچکیلرینین ایفشاسی ایله باغلی آوسترالیالی رسمیلره مکتوبونا مثبت جواب وئریلیب.
سایین میکائیل اویتانین مکتوبونا آوسترالیا حکومتی خاریجی ایشلر ناظرلیگینین شرقی آوروپا و لاتین آمریکاسی ایشلری اوزره تهلوکهسیزلیک مشاویری جئرئمی گوتتئری جواب مکتوبو گؤندریب.
جواب مکتوبونون بیر حیسهسینده یازیلیب: “آذربایجانین ایشغال اولونموش اراضیلرینده کئچیریلمیش قانونسوز سئچکیلره دایر 9 آپرئل 2020-ده گؤندردیگینیز مکتوبا گؤره تشکر ائدیرم.
آوسترالیا خاریجی ایشلر ناظرلیگی آدیندان مکتوبا جواب یازیریق. آوسترالیا حکومتی آذربایجان حکومتینین داواملی سیاستینی دستکله ییر، داغلیق قاراباغی موستقیل دؤولت کیمی تانیمیر و آزربایجانین اراضی بوتؤولوگونو دستکله ییر. بیز 31 مارت 2020-جی ایلده داغلیق قاراباغدا کئچیریلن سئچکیلری تانیمیریق. بو سئچکیلر کونستیتوسیایا ضددیر.
آوسترالیا حکومتی آتت-ین مینسک قروپونون واسطهچیلیک میسیاسینی و موناقیشهنین دانیشیقلار یولو ایله حللینی دستکله ییر. صمیمی آرزولارلا: جئرئمی گوتتئری آوسترالیا حکومتی خاریجی ایشلر ناظرلیگینین شرقی آوروپا و لاتین آمریکاسی ایشلری اوزره تهلوکهسیزلیک مشاویری
