ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا آوسترالییادا مخالیفتینین لیدئری و کؤلگه خاریجی ایشلر ناظری کیمی تانینان سئناتور سیمون بیرمینگهاما لاچین یولون‌دا آذربایجان حکومتینین نظارتی ایله باغلی سون مکتوبون‌دا یئر آلان یانلیش معلوماتلارلا باغلی اعتراضینی بیلدیریب.
مکتوبون بیر حیسه‌سین‌ده دئییلیر:
حؤرمت‌لی سیمون بیرمینگهام،
بیز، آوسترالییا آذربایجان‌لی ایجماسی، قاراباغ‌داکی وضعیتی مذاکیره ائتمک و آذربایجان حکومتینین لاچین یولونا نظارتی ایله باغلی ۲۸ ایون ۲۰۲۳-جو ایل تاریخ‌لی سون مکتوبونوزدا وئریلمیش بعضی تحریفلری آرادان قال‌دیرماق اوچون سیزینله علاقه ساخلاماق ایستدیک.
اولا، آیدینلاشدیرماق لازیم‌دیر کی، بئین الخالق عدالت محکمه‌سینین قراری مکتوبونوزدا قئید ائتدیینیز کیمی، لاچین دهلیزی بویونجا «بلوکادا» کونسئپ‌سییاسینی دستکلمیر…
بون‌دان علاوه، مکتوبونوز آوسترالییا حکومتینین بلوکادانین لغوینه چاغیران آچیق بیاناتلا دیگر اؤلکه‌لره قوشولماماق قرارینی شوبهه آلتینا آلدی. لاکین سیز بلوکادانین قانونی تهلوکه‌سیزلییه جاواب اولاراق قویولدوغونو اعتراف ائده بیلمه دینیز…
قئید ائتمک لازیم‌دیر کی، آوسترالییا حکومتی مناقیشه‌نی گرگینلش‌دیرن حرکتلری دایان‌دیرماق و صلح دانیشیقلارین‌دا حقیقی ایشتیراکی تشویق ائتمک سعیلرینی آردیجیل اولاراق دستکله میش‌دیر. مکتوبونوز سیتواسییا ایله باغلی مورکب‌لیکلری و تهلوکه‌سیزلیک پروبلئملرینی نظردن قاچیران بیرطرفلی پئرسپئکتیو تقدیم ائدیر.
بون‌دان علاوه، داوام ائد‌ن آذربایجان-ائرمنیستان موناقیشه‌سینین داها گئنیش کونتئکستینی نظردن کئچیرمک چوخ واجیب‌دیر. ائرمنیستانین قاراباغ‌دا حربی مؤوجودلوغونو داوام ائتدیرمه‌سی، او جمله‌دن حربی بازالارین و قالان حیسه‌لرین مؤوجودلوغو کئچیدده هم آذربایجان، هم ده ائرمنیستان طرفین‌دن حیاتا کئچیریله‌ن نظارتین حجمینه اهمیت‌لی درجه‌ده تأثیر گؤستریر. بو عامیللری و هر ایکی طرفین موافیق عهده‌لیکلرینی نظره آلماق واجیب‌دیر.
نهایت، باشا دوشمک لازیم‌دیر کی، بین الخالق عدالت محکمه سی نین قراری عسگرلرین و غیری-قانونی یوکلرین اؤلکه‌یه گیریش-چیخیشینین قارشی‌سینی آلماق اوچون آذربایجان اورقانلاری طرفین‌دن قانونی نظارته احتیاجی اینکار ائتمیر. بئله نظارت آذربایجانین تهلوکه‌سیزلیک پروبلئملرینی حل ائتمک و دهلیزدن پوتئنسیال سوءایستیفاده حاللارینین قارشی‌سینی آلماق اوچون لازیم‌دیر. بین الخالق عدالت محکمه سی نین قراری ایلک نؤوبه‌ده اینسانلارین آزادلیغینین تامین ائدیلمه‌سینه یؤنلیب…
یئکون اولاراق، بین الخالق عدالت محکمه سی نین قرارینین مورکب اولدوغونو و بیر نئچه عاملی نظره آلدیغینی اعتراف ائتمک چوخ واجیب‌دیر. اونا گؤره ده لاچین دهلیزی مسئله‌سینی مذاکیره ائدرکهن وضعیتی هرطرف‌لی باشا دوشمک و بوتون موافیق فاکتلاری نظره آلماق چوخ واجیب‌دیر. بیز سیزی اؤز مؤوقعیینیزه یئنی‌دن باخماغا و قاراباغ‌داکی وضعیتی داها دقیق و دوزگون باشا دوشمه‌یه چالیشماغا چاغیریریق…
سایین میکاییل بیین مکتوبونون اینگیلیسجه تام متنینی تقدیم ائدیریک:
