ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا-آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگی بئین الخالق علاقهلر دئپارتامئنتینین صدری سایین میکائیل بی اویتا و گونئی آذربایجان دئموکراتیک تورک بیرلیگینین قادین دئپارتامئنتینین صدری سارا خانیم آذرسون تورکییهدن گلن رسمی قونقلارلا گؤروشوبلر.
۲۸ نویابیر جمعه آخشامی تورک و ایسلام امکداشلیق تشکیلاتی پارلامئنتلر بیرلیگی کومیسییاسینین صدری، موسلمان ایجمالاری و آزلیقلار کومیتهسینین معروضهچیسی شانلی اورفا میللت وکیلی عبدالراحیم دوساک سیدنئیده بیر سیرا گؤروشلر کئچیریب.
تورکییه باش کونسوللوغو باشدا اولماقلا آوسترالییا-آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگی بئین الخالق علاقهلر دئپارتامئنتینین صدری سایین میکائیل بی اویتا و گونئی آذربایجان دئموکراتیک تورک بیرلیینین قادین دئپارتامئنتینین صدری سارا خانیم آذرسون گئلیبولو یاشلیلارا باخیم مرکزی، تورک همرأیلیک مرکزی، غیری حکومت تشکیلاتلارینی و بیر سیرا ایش آداملارینی زیارت ائدیبلر.
تورک ائوینده گئلیبولو مسجیدینین ایمامی عبدالحالیم ائرکوچ آوسترالییا-آذربایجان آسوسیاسییاسینین پرئزیدئنتی میکائیل اویتا طرفیندن قارشیلانیب. گؤروش باش کونسول بئلگین خانیم ائرگونئش، باش کونسولون معاوینی مئحمئت ائرچیکتی و آوسترالییا-آذربایجان آسوسیاسییاسینین پرئزیدئنتی میکائیل اویتانین ایشتیراکی ایله کئچیریلیب.
پروفئسسور عبدالراحیم دوساک آوسترالییادا تحصیلدن مدنیت پروبلئملرینه، ایسلاموفوبییادان اجتماعی و دینی قورولوشداکی اینکیشافلارا قدر بیر چوخ موضوعدا معلومات آلدی. تورکییه جمعیتینین ایللردیر اوزلشدیگی پروبلئملر موذاکیره ائدیلیب. پروبلئملرین حلی ایله باغلی تکلیفلر قیمتلندیریلیب.
صمیمی شرایطده کئچهن گؤروش خاطره شکلینین چکیلمهسی ایله باشا چاتیب.
ویدئو:
