ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، قوندارما ائرمنی سویقیریمینی تبلیغ ائدن آوسترالیانین اس بی اس کانالی آوسترالیا آذربایجان آسوسیاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بین الخالق علاقهلر دئپارتامئنتینین صدری سایین میکاییل اویتانین اعتراض مکتوبونا جواب یازیب.
سایین میکاییل اویتانین کسکین مکتوبو قارشیسیندا گئری آددیم آتان کانال رهبرلیگی تورکیهنین ده سویقیریم بارهده باخیشینا یئر وئریلمهلی اولدوغونو قئید ائدیب.
قئید ائدک کی، سایین اویتا ائرمنیلرین ادعالارینین ساختا اولدوغو و اصلینده اونلارین آذربایجان تورکلرینه قارشی سویقیریم تؤرتدیگینی اس بی اس کانالینین رهبرلیگینه آچیقلامیشدی.
