ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا اورمیه گؤلونو قورودان ایرانا تضییق گؤستریلمه‌سی اوچون آوسترالییا رسمی‌سینه مراجعت ائتدی.
سایین میکاییل بی بو مقصدله آوسترالییادا یاشیللارین پارلامئنت لیدئری و آوسترالییالی میللت وکیلی سایین آدام باندته مکتوبلا مراجعت ائدیب.
سایین میکاییل بی اویتا اورمیه گؤلونون ایران رئژیمی طرفین‌دن قورودولماسین‌دان درین ناراحات‌لیغینی قئید ائد‌رک مکتوبونون بیر حیسه‌سین‌ده یازیب:
«…ناراحات‌لیق کئچیره‌ن بیر وطنداش کیمی، سیزین ایران حکومتینی حرکته کئچمه‌یه تشویق ائتمک و گؤزله‌نیله‌ن ائکولوژی و هومانیتار فلاکتین قارشی‌سینی آلماق اوچون دیپلوماتیک سعیلر گؤسترمه‌یه تعجیلی احتیاجی دقتینیزه چاتدیرماق ایسته ییرم.
بیر واختلار چیچک‌لنه‌ن شور گؤل اولان اورمیه گؤلو ایندی سویون حجمینین ۹۵% آزالماسی ایله داغیدیجی بحرانلا اوز-اوزه دیر. بو تنززول هم اطراف موحیط، هم ده اونون یاخینلیغین‌دا یاشایان اینسانلارین ساغلام‌لیغی اوچون دهشت‌لی نتیجه‌لره سبب اولموش‌دور.
بو وضعیت آچیق دوز ساحه‌لرین‌دن دوز فیرتینالارینین یارانماسی، آغیر مئتاللاری هاوایا بوراخماسی و یئرلی انسانلار آراسین‌دا جدی ساغلام‌لیق پروبلئملرینه سبب اولماسی ایله موشاییعت اولوناجاق.
من سیزی آوسترالییانین بو مسئله‌ده اوینایا بیله جه یی موهوم رولو نظره آلماغا چاغیریرام. اطراف موحیطین محافظه‌سی و بئین الخالق امکداشلیغا صادق بیر اؤلکه اولاراق، من سیزدن ایران حکومتینه تعجیلی و هرطرف‌لی تدبیرلر گؤرمک اوچون سیاسی تضییق گؤسترمه یی خواهیش ائدیره‌م.
اورمیه گؤلو بحرانینی حل ائدین. آوسترالییانین دیپلوماتیک علاقه‌لرین‌دن و تأثیرین‌دن ایستیفاده ائتمکله بیز بو اینجه ائکوسیستئمی قورویوب و میلیونلارلا اینسانین ساغلام‌لیغینی قوروماغا موفق اولاریق…
سایین میکاییل بیین مکتوبونون تام متنینی اینگیلیسجه بورادان اوخویا بیلرسینیز:
