ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بازار گونون نویابرین 1-ده آوسترالیانین سیدنئی شهرینده یاغیشلی هاوایا باخمایا‌راق آوسترالیا-آذربایجان آسوسیاسیاسی و گونئی آذربایجان دئموکراتیک بیرلیگی‌نین (گادتب) تشببوسو ایله آذربایجان اوردوسونا دستک مقصدیله و ائرمنی تئررورونا اعتراض اولا‌راق مؤهتشم آوتوموبیل یوروشو کئچیریلیب.
100-ه یاخین آوتوموبیلین ایشتیراکی ایله کئچیریلن آوتویوروش اوبئرن قصبه‌سی‌نین رود ایستیشن کوچه‌سین‌دن استارت گؤتوروب، مرکزی کوچه‌لرله دایروی حرکت ائتدیک‌دن سونرا همین عنواندا باشا چاتیب.
اوزرینده اوچرنگلی آذربایجان بایراق‌لاری و “قاراباغ آذربایجان‌دیر” شعاری آسیلان آوتوموبیل‌لرده حرکت ائدن یوروش ایشتیراکچی‌لاری یئرلی ایجتیمایتین دقتینی جبهه خطیندن اوزاقدا یئرلشن گنجه و برده شهرلری‌نین، ائله‌جه ده دیگر یاشاییش منطقه‌لری‌نین دینج اها‌لی‌سی‌نین ائرمنیستان طرفیندن آغیر آرتیللئریا آتشینه توتولماسینا چکیب‌لر.
آوسترالیادا یاشایان آذربایجانلی‌لار ائرمنیستان سلاحلی قوه‌لری‌نین مولکی اها‌لییه قارشی ایستیفاده‌سی قاداغان اولونان کاسئت‌لی بومبا‌لار واسطه‌سی ایله برده شهرینده تؤرتدیگی تئررور آکتینین نه اینکی بئین الخالق حقوقا ضد آددیم، عینی زاماندا اینسانالیغا قارشی یؤنلمیش جینایت اولدوغونو وورغولاییب‌لار.
سیدنئیده یاشایان ائرمنی‌لر تخریبات تؤره‌ده رک آذربایجانا دستک یوروشونه مانع اولماغا چالیشیب‌لار. خصوصیله 2 ائرمنی آوتوموبیلی آذربایجانلی‌لارا قارشی تخریباتا ال آتدیلار. لاکین نه یاغیشلی هاوا و نه ده ائرمنی تخریباتی آذربایجانا دستک یوروشونه مانع اولا بیلمه‌ییب. آوتوموبیل یوروشو موفقیتله و دینج شرایطده باش توتدوغو اوچون پولیس آذربایجانلی آکسیا‌چیلارا اؤز تشکورونو بیلدیریب.
آوتوموبیل یوروشون‌دن ویدئو و شکیل‌لری تقدیم ائدیریک:
