ادتاج اتحادیه دمکراتیک ترک آذربایجان جنوبی
گادتب: ميللتلر جبهه سينين موقدّراتيني تعيين حاقّي اوچون مذاکيره‌لرينين داواميندا جمعه گونو 1918-جي ايل ماي آيينين 4-ده گونئي آذربايجانين ايستيقلالچي تشکيلاتلاري (1. گونئي آذربايجان دئموکراتيک تورک بيرليگي، 2. گونئي آذربايجان ميللي يول تشکيلاتي) ميللتلر جبهه سينه بيرلشيب و غئيري-فارس ميللتلرين ايشغالچي “ايران”ين ايشغاليندان موستقيل اولماسي اوغروندا موتّفيق اولدولار.
بو ايجلاسدا “ايران”ين، رئگيونون و دونيانين وضعيتيني آراشديريب، تحليل ائتديکدن سونرا بوتون عضولر يئکديلليکله ايشغالچي فارس رئژيمينين داغيلماقدا اولدوغونو بيلديرديلر. بئله کي، ايشغالچي فارس رئژيمي و اونون اوزدن ايراق موخاليفتي آچيقجا اعتيراف ائديرلر کي، بو چؤکمه تکجه رئژيمين يوخ، بوتون ايرانين داغيلماسي و غئيري-فارس ميللتلرين موستقيلليک الده ائتمه‌سي اولاجاق. بو سببه گؤره، رئژيم و اونون موخاليفتي ايرانين ايدعا ائتديکلري اراضي بوتؤولوگونون قورونماسي اوچون آنلاشيبلار و هر ممکون يوللا اينقيلاب اولماسينين قارشيسيني آلماغا چاليشيرلار. اونلار رفراندوم شعاري ايله ميللتلري آلداديب بو بؤحراندان چيخماغي قارشييا مقصد قويوبلار. لاکين خوشبختليکدن ايشغال ائديلميش اراضيلرده اهالينين ميللي اويانيشي يوکسک اولدوغوندان اونلارين بو فيتنه کاريغي مغلوبيتله قارشيلاشاجاق.
حيله گر روحانينين آذربايجانا سفري و تورک ميللتينين اونو قارشيلاماماسي، ائله جه ده اونون علئيهينه شعارلار سسلنديرمه سي، اونلارين مغلوبيتينين ثوبوتودور.
بوتون تشکيلاتلارين اؤز پوتئنسيالينا آرخالاناراق، غئيري-فارس ميللتلرين موستقيلليک مباريزه‌سيني گوجلنديرمه‌سي، عموميتله غئيري-فارس ميللتلرين اکثرينين ايران ايشغاليندان چیخاراق، موستقيلليک ايسته‌ديگينه ثوبوتدور و بو ايشغالچي رئژيم اوچون ان پراکتيک آلتئرناتيدير. غئيري-فارس ميلتلر اوچون هر هانسي آدلا بوندان باشقا هئچ بير آلتئرناتيو يوخدور.
ميلتلر جبهه سينين بوتون عضولري غئيري-فارس ميللتلرين ايشغالچي رئژيمه قارشي موباريزه‌سينين بيرليگينين اهميتينه تاکيد ائده‌رک، ميللي آزادليق موباريزه‌سيني گوجلنديرمک باره‌ده آنلاشديلار. بونا گؤره قرارا آلديلار کي، بو ايستيقامتده ماي آيينين اورتالاريندا آوروپادا قارشي-قارشييا مذاکيره کئچيرسينلر.
“ايران”دا ميللتلرين موقدّراتيني تعيين ائتمه مقصديله ميللتلر جبهه سي گونئي آذربايجان دئموکراتيک تورک بيرليگي و گونئي آذربايجان ميللي يول تشکيلاتينا جبهه نين سيرالارينا قوشولمالاري اوچون خوش گلدين دئيه‌رک، اونلارا اؤز مينّتدارليغيني بيلديرير و غئيري-فارس ميللتلري ايشغالچي فارس رئژيمينه قارشي موباريزه‌ده بيرلشمه‌يه چاغيرير.
ياشاسين ايشغالچي فارس رئژيمي علئيهينه غئيري-فارس ميلتلرين بيرليکده موباريزه‌سينی
“ايران”دا ميللتلرين موقدّراتيني تعيين ائتمه اوچون ميللي جبهه
