جمعه , مارس 29 2024
azfa

نوروز، یئنگی گون، یئنی گون بایرامی

گادتب: “نوروز” مسئله سی مطرح اولدوقدا بو سؤزجوک (کلمه) بوگون فارسچا گؤرونسه ده، “نوروز” سؤزجوگو قورولوش و “فونئم” باخیمیندان فارسچا بیر کلمه دئییل، ایچه ریک (محتوا) باخیمیندان هر هانکی بیر دیلدن اولدوغو کیمی فارسچایا داشینمیش بیر مدنی کلمه (Kulturwort) ساییلار. دئمک، فارس دیلی نین صفت و موصوف قورولوشونا اساسن فارسچادا صفت آددان اؤنجه ایشلنمدیگی اوچون “روز نو” کلمه سی بیتیشیک “نوروز” یازیلماسینا باخمایاراق هر هانکی بیر دیلدن صفت و موصوف “یئنی گون (نو روز)” دئیه فارسچایا چئویریلمیش (ترجومه اولونموش) بیر “غلط رایج (رایج)” ساییلار. بو ایشلک (رایج) غلط کلمه نین فارسچادا یئرینه اوتورماسی “نو روز” بایرامی نین تاریخی باخیمدان “ایرانیت” و “فارسلیق” ایله ایلگی و ایلیشگیده اولمادیغینی و یالنیز چئویرمه و ترجومه یولو ایله “ایران دیل قوروپو” آد وئریلمیش خالقلارا باشقا حاکیم خالق و حاکیملر طرفیندن تحمیل اولدوغونو سرگیله میش مقام ساییلار. دئمک، “یئنگی گون و یئنی گون” یوخسا “نو روز” دئیمینی بیلینجلی اولاراق “ایرانیت” باشلیغی آلتیندا فارسلیغا نسبت وئرمگه چالیشان اصلینده اؤز مدنی اولدوغونو دئییل، هر هانکی بیر مدنیتدن آلینمیش گلنک و گؤره نکلری فارسلیغا چیخماقلا “مدنیت اوغروسو” اولدوغونو دا سرگیلمیش اولار.‌ دئمک، سؤز قورولوشو باخیمیندان فارسچا دا اولان سیمرغ (سی مرغ) ایله نوروز (نو روز) کلمه لری آراسیندا قئرامئر بنزرلیگی تاپماغا چالیشانلار “سای” ایله “صفت” آنلاییشینی دا درک ائتمیش دئییللر.

اوسته ایشاره اولوندوغو کیمی “نو روز (یئنی گون)” دئیمی ایران دیل قوروپو آدینی داشییان خالقلارا خاریجدن تحمیل اولدوغو و بو “یئنی گون (روز نو)”-و قوتلاماق مسئله سی ده ایستر اورتا آسیاداکی و ایسترسه ده تاریخی ایران ممالیکی محروسه سینه حاکیم کسیلمیش تورک خالقلاری آراسیندا اورتاق ساییلدیغی اوچون بو بایرام “ایرانیت” آدینی یئدک چکمگه چالیشان دیل و مدنیت صاحابلارینا تورکلر طرفیندن تاریخ سورجینده تحمیل اولموش بیر “طبیعت بایرامی” آدی ساییلار. بو طبیعت بایرامی داها آرتیق مال و حئیوان ساخلاماق ایله مشغول اولان و بایراما بیر آی قالا گون سایماغی اؤزلری اوچون بیر گلنک و گؤره نک حئساب ائدن تورک خالقلارینا اؤزگو و خاص بیر گون ساییلار. بیلیندیگی کیمی ایرانداکی تقویم ساییمی دا اوغوز تورکلریندن اولان سلطان جلال الدین ملک شاه بن سلجوق طرفیندن قبول اولونموش و گونوموزه گلمیش بیر تقویم ساییلار. دئمک، فارس دیلی دیوان دیلی اولدوغو و بو آد (یئنی گون) غلط رایج دئیه فارسچایا “نو روز” دئیه چئویریلدیگی اوچون “نوروز” کلمه سی بیچیمینه دوشموش بیر آد ساییلار.

ایشیق سؤنمز، 10.04.2014

دوباره امتحان کنید

ترکیه ششمین کشور برتر اروپا در فروش خودروهای برقی است

گادتب: ترکیه در عرصه فروش خودروهای برقی پس از برخی از کشورهای اتحادیه اروپا در …

مرگ مشکوک سارا تبریزی پس از احضار به اطلاعات

گادتب: به گزارش مرکز گادتب، سارا تبریزی ۲۰ ساله ۴ فروردین به وزارت اطلاعات احضار …

دیدگاهتان را بنویسید