گادتب: دونن 2018-جي ايل ماي آيينين 19-دا ايسوئچين استوکهولم شهرينده گونئي آذربايجان ايستيقلالچيلار بيرليگينين ايجلاسي کئچيريليب. ايجلاسدا بيرلييه داخيل اولان گادتب، گايپ و گاميت-نين رهبرليگي، ائله جه ده بيرلييه يئنيجه قوشولان وماج-ين رهبرليگي قاتيليب.
ايجلاسدا کانادا، نوروئچ، فينلاندييا، آلمانييا و س. اؤلکهلردن تشکيلات رسميلري ايشتيراک ائديردي. ايجلاسا گادتب تشکيلاتيندان گادتب باشقاني اژدر تاغيزادهدن باشقا همين تشکيلاتدان گادتب سياسي دئپارتامئنتين صدري سايين ائلدار قاراداغلي و گادتب تشکيلات مسئولو سايين آتابيگ نجفپور دا ايشتيراک ائتميشلر.
کئچيريلن ايجلاسدا گونئي آذربايجان ايستيقلالچيلار بيرليگينه رسماً واحيد موستقيل آذربايجان جبهه سي ده قوشولدو.
ايجلاسدا گونئي آذربايجان ايستيقلالچيلار بيرليگينين نيظامنامهسي، اساسنامه سي و گئربي قبول ائديليب، سايتي حاضيرلانيب، هلهليک هفتهده بير گون اولماقلا اينتئرنئت تی وی-سينين ايشه باشلاماسي قرارا آلينيب.
همچنين ايجلاسدا گونئي آذربايجان ايستيقلالچيلار بيرليگينين دوست اؤلکهلرده ياخين آيلاردا تدبيرلر کئچيرهجگي قرارا آليندي.
ايجلاس چرچيوهسينده بيرليگين غئيري-فارس ميلتلرين تشکيلاتلاري ايله امکداشليغينين گئنيشلنديريلمهسي نظره آلينيب. گؤروشلرين آوروپا و آمئريکا قيطهلرينده کئچيريلهجگي نظرهده توتولدو.