ادتاج اتحادیه دمکراتیک ترک آذربایجان جنوبی
گادتب: آمریکادا آذربایجان پرئزیدئنتی جناب ایلهام علیئو، آمریکا پرئزیدئنتی دونالد ترامپ و ائرمنیستان باش ناظری نیکول پاشینیان آراسیندا کئچیریلمیش گؤروش زامانی زنگه زور دهلیزینین آچیلماسی بارهده الده اولونان راضیلیق موناسیبتیله مظفر عالی باش کوماندانیمیز جناب ایلهام علیئوه، ۵۵ میلیون دونیا آذربایجانلیلارینا و بوتون تورک دؤولتلرینه اورکدن تبریکلریمیزی چاتدیریریق.
آذربایجانین قهرمان دؤولتی و اونا رهبرلیک ائدن محترم پرئزیدئنتیمیز، عالی باش کاماندان جناب ایلهام علیئوین اوزون مدتلی، مودریک و اوغورلو سیاستینین بو گون داها بیر تاریخی نتیجهسینی گؤرمکدن بؤیوک قورور دویوروق. دیپلوماتیک آرئنادا آتیلان بو مهم آددیم، زنگه زور دهلیزینین آچیلماسی ایله یالنیز آذربایجانین دئییل، بوتون تورک دونیاسینین ایستراتئژی، اقتصادی-سیاسی مؤوقعیینی گوجلندیرمیشدیر.
حؤرمتلی جناب پرئزیدئنت! بو گون بیز آذربایجانلیلار خوشبختیک کی، سیزین رهبرلیگینیز دؤورونده بئله علامتدار حادثهلره شاهیدلیک ائدیریک. آذربایجانین دوشمنلری آرتیق باشا دوشمه لیدیرلر کی، بؤلگهدهکی اویونلاری ایفلاسا اوغراییب و بوندان سونرا نه ایشغالچی روسییا، نه ده ایران رئژیمی اؤلکهمیزه قارشی یانلیش آددیم آتماغا جسارت ائده بیلمهیهجک.
قارشیداکی مرحلهده یولوموز پارچالانمیش تورپاقلاریمیزین بیرلشدیریلمهسی، «بوتؤو آذربایجان» ایدهآلینین گئرچکلشمهسی و تاریخی میسییامیزین تاماملانماسی اولاجاق.
یاشاسین آذربایجان!
یاشاسین تورک بیرلیگی!
گونئی آذربایجان دئموکراتیک تورک بیرلیگی (گادتب)
