ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) باشقانی سایین اژدر بی تاغیزاده «صلح سازیشی، ترامپ مارشروتو و ایرانین قیرمیزی جیزگیلری. خامنه ای ساواشلا تهدید ائتدی» موضوعسوندا چیخیش ائدیب.
سایین اژدر بی چیخیشیندا همچینین آذربایجان پرئزیدئنتی ایلهام علیئوین آمریکا سفرینده دیپلوماتیک اوغورلارین ایرانا ترس شیلله اولماسی، بو اوغورلارین عینی زاماندا آذربایجان طرفیندن روسییایا دا ترس شاپالاق اولماسی، ایرانین یاراماز قونشو اولماسی و دایم آذربایجانا قارشی دوشمنچیلیک ائتمهسی، روسییانین ایشغالچی و موستملکهچی دؤولت اولماسی و آذربایجانا قارشی تهلوکه یاراتماسی، ایران آدلانان یئرین داغیلماقدا اولماسی، گونئی آذربایجاندا ایسه آذربایجان تورکلرینین موستقیللیک اوغروندا موباریزهسینین داوام ائتمهسی و سایر مسئلهلردن دانیشمیشدیر.
سایین اژدر بیین چیخیشینین ویدئوسونا بورادان باخا بیلرسینیز:
