ادتاج اتحادیه دمکراتیک ترک آذربایجان جنوبی
گادتب: ایرقچی فارس-موللا رئژیمی هر فورصت‌دن ایستیفاده ائدیب تورکه و آذربایجانا قارشی قانلی دوشمن اولدوغونو دفعه‌لرله ثبوت ائدیب. ایرقچی فارس-موللا رئژیمی حتی دینی ده اؤز منفعتلری ایستیقامتین‌ده ایستیفاده ائدیب و دونیادا موسلمانلار آراسین‌دا دینی ایختیلافلار یارادان رئژیم کیمی تانینماق‌دادیر. موللا رئژیمین «چالدیران و مقاومت شهیدلرینی آنما مراسیمی» ده حتی موسلمانلار آراسین‌دا دینی ایختیلاف یاراتما باهاسینا آذربایجان و تورکو هدف آلماسی رئژیمین نه قدر اییرنج و آنتی-تورک اولدوغونو بیر داها آچیق شکیل‌ده نوماییش ائتدیردی.
ایرقچی فارس-موللا رئژیمی هم ده بیر داها ثبوت ائتدی کی، حتی اؤزونون یالان‌دان ادعا ائتدیگی هئچ بیر قونشولوق و موسلمانلار آراسین‌دا دوستلوق و امکداش‌لیق پرینسیپینه ده صادق قالا بیلمیر. آذربایجان و تورکیه دؤولتلری نه قدر قونشولوق و سایر مسئله‌لر اوچون گذشته گئتسه‌لر ده ایرقچی فارس-موللا رئژیمی اؤز ماهییتینی دییشمه‌یه‌جک.
اونوتماماق لایم‌دیر کی، حتی دونیا سوییه‌سین‌ده ایرقچی فارس-موللا رئژیمی دایم داغیدیجی، ایکی اوزلو و اییرنج سیاست یئریدن رئژیم کیمی اؤزونو ثبوتا یئتیرمیش‌دی. سون دؤورلرده ایرانین رئگیونال سیاستین‌ده آردیجیل اوغورسوزلوقلاری، سورییادا اون میلیاردلار خرجله‌مکله جینایتکار اسد رئژیمینی قورویا بیلمه‌مه‌سی، لیوان و فیلیسطینین خارابالیغا چئوریلمه‌سینه سببکار اولماسی، ایسرائیلین قارشی‌سین‌دا رذیل‌لیکله یئنیلمه سی جینایتکار موللا رئژیمینین یئنه ده اؤز یاناشماسی و سیاستینه هئچ بیر دییشیک‌لیک ائتمه دیگینی گؤستریر.
آذربایجان و تورکیه دؤولتلری قونشولوق خطرینه موللا رئژیمین بوتون پیس‌لیکلرینه گؤز یومسا دا، بو رئژیمین ماهیتی دییشمزدیر و خامنه ای اردبیل‌ده‌کی نماینده‌سینین ال آلتی‌سی واسطه‌سی ایله آذربایجان و تورکیه پرئزیدئنتلرینه قارشی نالاییق ایفاده‌لر ایشلتمه‌سی آرتیق رئژیمین چیخیلماز وضعیت‌ده قالدیغینی و گونئی آذربایجان‌دا میللی اویانیشین قارشی‌سین‌دا عاجیز قالاراق بو ایرنج آددیملارا ال آتدیغی معلوم اولور.
گونئی آذربایجان دئموکراتیک تورک بیرلیگی (گادتب) ایرقچی فارس-موللا رئژیمین آذربایجان و تورکیه پرئزیدئنتلرینه قارشی نالاییق ایفاده‌لرینین قبول ائدیلمز اولدوغونا تأکید ائد‌رک کسکین شکیل‌ده موللا رئژیمین بو ایرنج حرکتینی پیسله ییر و بیلدیریر کی، آذربایجان تورک میللتی گونئی آذربایجان‌دا اؤز موستقیللیگینی برپا ائتمکله ایرقچی فارس-موللا رئژیمین بو ایرنج حرکتلرینه لاییق‌لی جاوابی وئره‌جک.
گونئی آذربایجان دئموکراتیک تورک بیرلیگی (گادتب) باشقانی
اژدر تاغی‌زاده
