ادتاج اتحادیه دمکراتیک ترک آذربایجان جنوبی
گادتب: گونئي آذربايجان دئموکراتيک تورک بيرليگي (گادتب) باشقاني سايين اژدر تاغيزاده تانينميش آذربايجانلي فعال عزيز پورو‌لي نين دونياسيني دييشمه‌سي ايله باغلي آذربايجان تورک ميللتينه و فعالين عايله عضولرينه باش ساغلي مئساژي گؤندريب. سايين اژدر بَيين باش ساغليغي مئساژيندا دئييلير:
“بو گون گونئي آذربايجاندا ميللي حرکاتين تانينميش فعالي و آغ ساققاللاريندان اولان مرحوم عزيز پورو‌لي دونياسيني دييشميشدير. مرحوم عزيز پورو‌لي گونئي آذربايجاندا هئچ بير ايدعاسي اولمادان آذربايجان ميللي حرکاتي اوغروندا فداکارجاسينا چاليشيب و دفعه لرله ايشغالچي فارس رئژيمي طرفيندن تضييق، ايشگنجه و حبسه معروض قالميشدير.
گونئي آذربايجاندا ميللي حرکاتين تانينميش فعالي و آغ ساققالي مرحوم عزيز پورو‌لي نين دونياسيني دييشمه‌سيني آذربايجان تورک ميللتينه، فعالين عاييله سي و ياخينلارينا درين حوزنله باش ساغليغي وئريرم.
روحو شاد اولسون!
اژدر تاغيزاده گونئي آذربايجان دئموکراتيک تورک بيرليگي (گادتب) باشقاني
