ادتاج اتحادیه دمکراتیک ترک آذربایجان جنوبی
گادتب: گونئي آذربايجان دئموکراتيک تورک بيرليگي (گادتب) باشقاني سايين اژدر بَي تاغيزاده گونئي آذرربايجاندا داغيديجي زلزله ايله باغلي آذربايجان تورک ميللتينه باش ساغليغي مئساژي عنوانلاييب.
باش ساغليغي مئساژينين بير حيصه سينده دئييلير: “گونئي آذربايجانين بؤيوک بير حيصه سيني سيلکله‌ين و اساساً ده ميانا، ساراب، تورکمنچاي و اطراف کندلرده بؤيوک داغينتي و تلفاتلا نتيجه لنن زلزله ايله باغلي آذربايجان تورک ميللتينه درين حوزنله باشساغليغي وئريب، خصوصيله زلزله‌ده دونياسيني دگيشنلره رحمت، ياخينلاريني ايتيرن و ضرر گؤرن بوتون سويداشلاريميزا صبر ديله‌ييريک.
باشساغليغي مئساژيندا همچنين دئييلير: “گونئي آذربايجانين موستملکه‌چي و عيرقچي فارس-موللا رئژيمينين ايشغاليندا اولدوغونا گؤره شهر و کندلريميز معاصير دؤورون طلب لرينه اويغون اولان بينا و تيکيلي لره ماليک دئييلدير. بونا گؤره ده قصداً موستملکه‌چي رئژيم طرفيندن گئري ساخلانيلان گونئي آذربايجاندا ضعيف زلزله‌لر ده دهشتلي تلفات و داغينتيلارلا نتيجله‌نير. اوسته ليک موستملکه‌چي و عيرقچي فارس-موللا رئژيمي داغينتيلار آلتيندا قالان اهالييه ده آذربايجان تورکو اولدوغو اوچون واختيندا يارديم گؤسترمير. بو دا داها آجيناجاقلي نتيجه‌لره گتيريب چيخارير.
يوخاريدا قئيد ائديلنلري نظره آلاراق دگرلي ميللتيميزه چاغيريش ائديب بيلديريريک کي، گونئي آذربايجانين موستقيل اولوب و ميللي دؤولتيميز قورولانا قدر اوياق اولوب، اؤزو واختيندا باش وئرن هر هامسي بير طبيعي فلاکتده،9 فلاکت بؤلگه‌سينه گئديب ضرر چکن سويداشلاريميزا واختيندا يارديم ائتسينلر.
بير داها زلزله قربانلارينا رحمت و زلزله‌دن خسارت آلان و ياخينلاريني ايتيرنلره صبير ديله‌ييريک.
آذربايجان تورک ميلتينين باشي ساغ اولسون.
اژدر تاغيزاده
گونئي آذربايجان دئموکراتيک تورک بيرليگي (گادتب) باشقاني
