ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دموکراتیک تورک بیرلیگی (گادتب) باشقانی سایین اژدر بی تاغیزادهنین تورکیهنین میللی مدافعه ناظیری هولوسی آکار، باش قرارگاه رئیسی یاشار گولر، قوشون نؤوعو کوماندانلاری و دیگر یوکسک روتبهلی ضابیطلرین آذربایجانا گلیشی ایله علاقهدار تورک پاشالارینا خوش گلدین مئساژی عنوانلاییب.
سایین اژدر بیین مئساژیندا دئییلیر کی، “تورک اوردوسو آذربایجان اوردوسو کیمی بیزیم اؤز اوردوموزدور و آزربایجانین چتین گونلرینده تاریخاً تورک اوردوسو آزربایجانین یانیندا اولموشدور. ایندیکی شرایطده تورک پاشالارینین آذربایجانا گلیشی تورک دوشمنی اولان روسون و فارسین ال آلتیلارینا چوخ آیدین مئساژدیر. تورک کوماندانلاری، تورک پاشالارینا آذربایجانا گلیشی موناسیبتیله خوش گلدین دئییریک”.
قئید ائدک کی، تورک کوماندانلاری آذربایجان-تورکیه قورو قوشونلاری و حربی هاوا قوهلرینین بیرگه تعلیملرینین یوکسک سویهلی موشاهیدهچی گونو چرچیوهسینده بیرینجی مرحلهسینین سون ائپیزودونو ایزلهیهجک.
