ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دموکراتیک تورک بیرلیگی (گادتب) باشقانی سایین اژدر بی تاغیزاده تانینمیش آذربایجانلی فعال و سیاسی محبوس عباس لیسانینین قاین آتاسینین دونیاسینی دگیشمهسی مناسیبتیله سایین عباس بی و عائلهسینه باش ساغلیغی مئساژی عنوانلاییب.
سایین اژدر بَی، عباس بَی لیسانی و حیات یولداشی روقیه خانیم محمدعلیزادهیه باش ساغلیغی وئردیکدن سونرا ایرقچی و ایشغالچی فارس رئژیمین بوتون اینسانی قایدا-قانونلاری تاپدایاراق عباس بَیه دفن مراسیمینده ایشتیراکا ایجازه وئرمه مهلرینی پیسله میشدیر.
سایین اژدر بی تاغیزادهنین لیسانی عائلهسینه باش ساغی مئساژینین داوامیندا دئییلیر: “ایرقچی-ایشغالچی ایران رئژیمی آذربایجان تورک میللتینین تاپدانمیش حقوقلارینین برپاسی و گونئی آزربایجانین ایرقچی فارس اسارتیندن قورتارماسی اوغروندا شرفلی و قانونی فعالیتلری قارشیسیندا عباس لیسانی و باشقا آذربایجانلی فعاللاری شرلهییب زیندانلارا آتماقلا آذربایجان تورک میللتینی ایستیقلال و آزادلیق یولوندان دؤندره بیلمهیهجک.
فارس-موللا رئژیمی او قدر اینسانی کئیفیتلرینی ایتیرمیش و جینایتکار-تئررورچو رئژیمه چئوریلمیشدیر کی، چیندن گونئی آذربایجانا و و آذربایجانلی فعاللاری حبس ائتدیکلری زیندانلارا کوروناویروسو یایدیقدان سونرا قصداً آذربایجانلی فعاللاری و سیاسی محبوسلاری، او جملهدن عباس بَی لیسانینی ده موقتی ضامینه بوراخمامیشدیر. لاکین رئژیمین بوتون بو قدّارلیقلاری و جینایتلری آذربایجانلی فعاللارین و آذربایجان تورک میللتینین عزیمینی قیرا بیمهیهجک.”
