ادتاج اتحادیه دمکراتیک ترک آذربایجان جنوبی
گادتب: گؤرکملی شخصیت، کئچمیش پرئزیدئنت ابوالفضل ائلچی بی آذربایجان میللی آزادلیق حرکاتینین لیدئری اولماقلا یاناشی، بوتوو آذربایجان ایدئیاسینین باشیندا دایانان قوزئی و گونئی آزربایجانین میللی اویانیشی و بوتؤو آذربایجان ایدئیاسینین یاییلماسیندا موستثنا خیدمت‌لری اولان تاریخی شخصیت ایدی. اونون ان اساس فرقلندیریجی اؤزللیگی تام صداقت و صمیمیتله بوتوو آذربایجان ایدئیاسینا قوللوق ائتمه‌سی و گونئی آذربایجانی بوتؤو آزربایجانین و تورک دونیاسینین آچاری کیمی سجیه لندیرمه‌سی ایدی. تصادفی دئییل‌دیر کی، ائلچی بی قاراباغین آزاد ائدیلمه‌سی‌نین یولونون تبریزدن کئچدیگینی دئییردی.
موستقیل آذربایجانین آذربایجان خالق جمهوریتی‌نین داوامی اولا‌راق دؤولت رمزلرینی معیینلشدیرن، آذربایجانین بوتؤولشمه‌سی اوغروندا حرکاتین ایستیقامتینی معیین ائدن ائلچی بی آذربایجان تورک میللتی‌نین ابدی لیدئری اولا‌راق قالا‌جاق. “بوتؤو آذربایجانین یولو تبریزدن کئچیر” شعارینین مؤلفی، گونئی آذربایجانین اسارتدن قوتولماسی ایدئیاسینی گوندمه گتیرن ایلک رسمی شخص کیمی تاریخه کئچن ائلچی بی بوتون آذربایجانلی‌لارین فیکیر و دوشونجه آتاسی کیمی هر زامان قلبلرده یاشایا‌جاق.
بو گون بو داهی شخصیتین وفاتین‌دان 20 ایل کئچیر. گادتب گونئی آزربایجانین ایستیقلا‌لی و بوتؤو آذربایجانین یارانماسیندا ائلچی بی یولونو و ایدئیا‌لارینی داوام ائتدیریر و بو پرینسیپ‌لره هر زامان صادقلیک نوماییش ائتدیره‌جک.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
