ادتاج اتحادیه دمکراتیک ترک آذربایجان جنوبی
گادتب: بو گون روسون ائرمنی ایشغالچیلارینی حمایه ائتدیگی کیمی 102 ایل اؤنجه ده ائرمنیلر روسلارین یاردیمی ایله آذربایجان اراضیلرینی، او جملهدن باکینی ایشغال ائدیب آذربایجان تورکلرینه قارشی سویقیریم تؤرتمیشلر. 1918-جی ایلین آپرئل-مارت آیلاریندا باکینی آذربایجاندان قوپارماق ایستهین روس-ائرمنی بیرلشمهلری شهری اله کئچیردیلر. عثمانلینین اؤزونون ده روسیا و بیر سیرا غرب دؤولتلرینین هجومونا معروض قالماسینا باخمایاراق، اشغال ائدیلمیش باکی صیرف تورک اوردوسونون یاردیمی ایله 15 سئنتیابردا آزاد ائدیلدی.
تکجه باکی دگیل، قوزئی آزربایجانین موختلیف اراضیلری و شرقی آنادولو ایله یاناشی گونئی آزربایجانین غرب بؤلگهسی ده روسیا و بیر سیرا غرب دؤولتلرینین حمایهسی ایله تشکیلاتلاندیریلان ائرمنی، آیسور و کوردلرین الیله دهشتلی سویقیریما معروض قالدی. تکجه اورمیا، سالماس و خوی بؤلگهسینده رسمی ایستاتیستیکایا گؤره 200 مین آذربایجان تورکو سویقیریما معروض قالدی.
هر طرفدن روسیا و غرب دؤولتلرینین هجومونا معروض قالان عثمانلی تورکیهسی بو آغیر شرایطده ائرمنیلر طرفیندن سویقیریما معروض قالان شرقی آنادولو، قوزئی آذربایجان و گونئی آذربایجاندا تورکلرین تامامیله محو ائدیلمهسینین قارشیسینی آلماق اوچون حرکته کئچدی. 1918-جی ایلده شرقی آنادولونون ایشغالدان آزاد ائدیلمهسیندن سونرا قافقاز ایسلام اوردوسو نورو پاشانین باشچیلیغی ایله قوزئی آذربایجانا داخیل اولوب، آذربایجان خالق جمهوریتینه یاردیما گلدی، سئنتیابر آیینین 15-ده وار اولان پایتاختیمیز باکی ائرمنی-بولشئویک ایشغالیندان آزاد ائدیلدی و آذربایجان خالق جمهوریتینین پایتاختی باکییا کؤچورولدو.
قافقاز ایسلام اوردوسو ایله یاناشی عثمانلی اوردوسونون دیگر بیر حیسهسی ده گونئی آذربایجانا داخیل اولوب، خوی شهرینین ایشغال ائدیلمهسینین قارشیسینی آلماقلا یاناشی سئنتیابرین اورتالاریندا سالماسی و سئنتیابرین سونلاریندا ایسه اورمیانی ائرمنی-آیسور ایشغالیندان قورتاردی.
همین دؤورده تورک اوردوسو نئجه یاردیما گلمیشدیسه، گونوموزده ده تورک اوردوسونون یاردیمینی حیس ائتمک ممکوندور. سون گونلر توووز حادثهلرینده روسلارین دسته یینی آلان ائرمنیلرین هجومو زامانی تورکیه و تورک اوردوسو آچیق شکیلده آذربایجانی دستکلهدی. بو دسته یینی آذربایجاندا تعلیملر کئچیرمکله آچیق ایفاده ائله دی و ثبوت ائتدی که تورک اوردوسو هر زامان آذربایجان تورکلرینین یانیندادیر.
گونئی آذربایجان دئموکراتیک تورک بیرلیگی (گادتب) 15 سئنتیابر ظفری مناسیبتیله قافقاز ایسلام اوردوسو و نورو پاشانین خاطرهسینی بؤیوک سایغی ایله آنیر، آذربایجان-تورک میللتینی تبریک ائدیر و تورک اوردوسونون آذربایجانا گلیشی و دسته گینی یوکسک دگرلندیریر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
