ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، گونئي آذربايجان دموکراتيک تورک بيرليگينين (گادتب) بين الخالق علاقه لر دئپارتامئنتينين صدري و آوستراليادا آذرباياجانليلاري آسوساسياسي پرئزيدئنتي سايين ميکائيل اويتا آوستراليانين يئني شيمالي وئلز ايالتيندن اولان ائرمني لوببيسينين تاثيري آلتينا دوشموش ائرمني پرست ميلت وکيللري دکتر هاگ مک درموت و جان آلکساندره سرت جواب وئره‌رک، بيلديريب کي، ايشغالچي ائرمنيستان آذربايجان تورپاقلارينين 20 فايزي و او جومله‌دن داغليق قاراباغ اراضيسيني ايشغال ائديب و آذربايجانليلارا قارشي ائتنيک تميزله‌مه حياتا کئچيرميشدير.
سايين ميکائيل اويتا ائرمني لوببيسينين تاثيري آلتينا دوشن همين ائرمني پرست ميلت وکيللريني ان آزيندان آوستراليادا ياشايان آذربايجانليلارلا گؤروشوب و آذربايجان، ائله جه ده آذربايجانين داغليق قاراباغ بؤلگه‌سي ايله باغلي حقيقتلري دينله‌مه‌يه چاغيريب.
سايين ميکائيل اويتا همچنين ائرمنيلرين کئچن عصرين اوللريندن آذربايجان و تورکيه اراضيلرينده تورکلره قارشي سويقيريملار تؤرتديگيني سؤيله‌ميشدير.
