ادتاج اتحادیه دمکراتیک ترک آذربایجان جنوبی
گادتب: ایران-فارس موللا رئژیمی اوزون ایللر ماهیتینی گیزلتسه ده، معیین مسئله‌لرده اؤز ایچ اوزونو گیزله‌ده بیلمه‌ییب و تام شکیلده اؤز ماهیتینی آچمیش‌دیر. آذربایجان و تورک میللتی ایله دوشمن مؤوقعیینی ده زامان-زامان خوجا‌لی شیعه‌لری‌نین سؤیقیریمینین آنیم مراسیمینده آذربایجانلی گنج‌لره تبریز و باشقا آذربایجان شهرلرینده دیوان توتوب، ائرمنی‌لری تورکیه و آذربایجانا قاراشی 24 آپرئلده تشکیلاتلاندیریب میتینقه چیخارتماقلا بروزه وئرمیش‌دیر. ایکینجی قاراباغ محاربه‌سینده و اوندان سونرا ایسه آزربایجانین ائرمنی ایشغال‌چی‌لارینی مغلوب ائدیب، اؤز اراضی‌لرینی آزاد ائتمه‌سی ائرمنینی شیعه‌یه قارشی دستکله‌ین ایرانی ائله اؤزون‌دن چیخارتمیش‌دیر کی، آرتیق هیکه‌سین‌دن داها اؤز ایچ اوزونو گیزله‌ده بیلمیر.
فارس-موللا رئژیمی‌نین قیسا تاریخینه نظر سالاندا گؤروروک کی، بو رژیم موسلمان غیری-فارس میللت‌لری محوه اوغراتماقدا الین‌دن گلن هئچ نه یی اسیرگه میر. ایران-عیراق ساواشیندا عرب‌لرین یاشادیغی الاحواز بؤلگه‌سی ایله عیراقین عرب‌لر یاشایان بؤلگه‌لرینی خارابالیغا چئویرمه‌سی کیمسه‌نین یادین‌دان چیخماییب.
آذربایجان و تورکیه باشچی‌لاری دا ایرانین فارس-موللا رئژیمی‌نین ایچ اوزونو و ماهیتینی دوزگون ده یرلندیرمه‌لی و بو آنتی-تورک رئژیمین آذربایجان و تورکیه‌ده دین پرده‌سی آلتیندا یئتیشدیردیگی 5-جی کالون و ال التی‌لاری واسطه‌سیله هر نؤع فیتنه کارلیغینین قارشی‌سینی آلماقدا دقت‌لی اولما‌لی‌دیرلار. هئچ بیر دینی و اینسانی ده یر تانیمایان ایرق‌چی فارس-موللا رئژیمی فارس منافعیی اوچون بوتون ایسلام دونیاسینی و حتی بوتون بشریتی قوربان وئره‌جک قدر معنویات‌سیز بیر رئژیم‌دیر. ایسلام اینقیلابی محافظه‌چی‌لری کورپوسو آدی آلتیندا بو رئژیمین تئررور قروپلاشماسی اولان سپاه تصادفی دئییل‌دیر کی، آزربایجانین قوزئیی ایله گونئیی آراسیندا صنعنی شکیلده اینجیک‌لیک یاراتماق مقصدیله آذربایجانا قارشی ائرمنی‌لره یاردیمینی بیر تیکه چؤرک اوچون ایشله‌ین ساده آذربایجانلی سوروجولر واسطه‌سیله داشیییر. خامنه ای ائله همین اییرنج تاکتیکا‌لاری ایله صرف گونئی آزربایجانین اردبیل بؤلگه‌سین‌دکی نماینده‌سی آملینی آذربایجانا قارشی هوردورور. بو معنویات‌سیز رئژیم حتی آذربایجان تورک میللتی‌نین کؤکونو کسمک اوچون تکجه یولو آذربایجان و تورکیه ایله محاربه‌ده گؤرسه، اونا دا گئدر. رئژیم باکینی، گنجه نی، ناخچیوانی خارابا قویماغی اوره یین‌دن کئچیردیگی کیمی تبریزی، اردبیلی، اورمونو و بوتون گونئی‌لی-قوزئی‌لی آذربایجانی خارابالیغا چئویرمه یی اؤزونه ایکی قات قازانج حساب ائدر. اونا گؤره ده ایرانین فارس-موللا رئژیمی‌نین ای چوزونو و ماهیتینی دوزگون آنلاما‌لی و دوستلا دوشمنی آییرد ائتمه یین واختی‌دیر. ایرق‌چی فارس-موللا رئژیمی‌نین آذربایجان تورکو آراسیندا ایختیلاف سالما تاکتیکاسینا دا اویماماق و رئژیمین بو اییرنج تاکتیکاسینی ضررسیزلش‌دیرمک هر بیر آذربایجان تورکونون وظیفه‌سی‌دیر.
گونئی آذربایجان دئموکراتیک تورک بیرلیگی (گادتب) آذربایجان و تورکیه نی، ائله‌جه ده تورک میللتینی ایرانین فارس-موللا رئژیمی‌نین آنتی‌تورک و دوشمن خیصلتینی دوزگون دیرلندیرمه‌یه چاغیریب، فارس-موللا رئژیمینی ده بون‌دان آرتیق اییرنج‌لیک ائدیب، آذربایجانلا دوشمن‌چی‌لیک ائتمه مه‌سی اوچون اویاریریق. فارس-موللا رئژیمی اونوتماسین کی، جیزیغین‌دان چیخیب آذربایجانا قارشی هر هانسی اییرنج نیتده بولونسا بوتون گونئی آذربایجانی اؤز قارشی‌سیندا گؤره‌جک.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
