ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آزربایجانین مباریز اوغلو، آذربایجانلی سیاسی محبوس عباس لیسانی اوچ نفردن عبارت محکمه-طب کومیسیاسیندان جاواب آلدیقدان سونرا 13 فئورالدا 6 آی مدتینه طبی معضونیته بوراخیلمیشدی. آذربایجانلی سیاسی محبوسو معایینه ائدن طبی ائکسپئرتیزا مرکزینین حکیملری اونون بئل سوتونوندا جدی پروبلئملرین اولدوغونو و اوزون مدتلی معالیجهیه احتیاجی اولدوغونو بیلدیریبلر.
ایرانین شووینیست و ایرتیجاچی موللا رئژیمینین اؤز حقوقلاری و آزادلیغی اوغروندا حاقلی مباریزه آپاران اوغوللاری و او جملهدن سایین عباس بی لیسانینی عدالتسیزجهسینه حبس ائدیب، اونون ساغلیغینا دا آغیر ضربه وورموشدور.
شووینیست و ایرتیجاچی فارس-موللا رئژیمی آزربایجانین گونئیینده- تبریز، اردبیل، اورمیا، زنجان، قزوین، کرج و باشقا شهرلریمیزده آذربایجان تورک میللتینین دیلی و میللی حقوقلاری اوغروندا فعالیت گؤسته رن یوزلرله فعالیمیزی حبس ائدیب، اونلاری تعضیق و ایشگنجه آلتیندا ساخلاییر.
گونئی آذربایجان دئموکراتیک تورک بیرلیگی (گادتب) حاضردا عباس بی لیسانینین آزادلیقدا اولماسینا سئوینیب و اونون فارس-موللا رئژیمینین ظلموندن قورتاریب تام آزادلیغا قوووشماسینی آرزو ائدیر. گادتب ایران رئژیمی طرفیندن رئپرئسیالارا معروض قالمیش میللتیمیزین بوتون مباریز اینسانلارینین یانیندادیر و اونلاری دستکله ییر. بو مباریز و عدالت اوغروندا فعالیت گؤسترن میللی فعاللارین فداکارلیقلارینی گؤرمزدن گلمک حاقسیزلیق اولاردی. ایرقچی فارس-موللا رئژیمینین ظلمونه معروض قالمیش مباریزلرمیزین حقوقلارینی مدافعه ائتمه یی آذربایجان میللی حرکاتینین اساس فونکسیالاریندان بیری حساب ائدیریک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
