ادتاج اتحادیه دمکراتیک ترک آذربایجان جنوبی
گادتب: بو گون 26 آوقوست آزربایجانین اوزون ایللر بؤیوک ایمپئراتورلوقلار قوردوقدان سونرا پارچالاناراق روس و فارس ایشغالینا دوشمهسیندن سونرا گونئی آذربایجاندا معاصر دؤولتچیلیگینین مدرن و دئموکراتیک دؤولت فورماسیندا قورولماسینا بؤیوک تؤحفه وئرمیش سید جعفر پیشه ورینین دوغوم گونودور.
سید جعفر میرجاواد اوغلو پیشه وری (جاوادزاده) 1892-جی ایل آوقوستون 26-دا جنوبی آذربایجاندا، خالخال ماحالینین زئیوه کندینده اکینچی عائلهسینده دونیایا گؤز آچمیشدیر.
سید جعفر پیشه وری وطنینین گونئی حیسهسی ایله یاناشی بیر مدت ده وطنینین قوزئی حیسهسینده یاشاییب و اؤزونو بؤیوک دؤولت خادیمی کیمی یئتیشدیرمیش و 1945-جی ایله گونئی آذربایجاندا آزربایجان میللی حکومیتینین اساسینی قویموشدور.
گونئی آذربایجان دئموکراتیک تورک بیرلیگی (گادتب) سید جعفر پیشه ورینین گونئی آذربایجاندا دؤولتچیلیگیمیزین برپاسی اوغروندا آپاردیغی مباریزهنین بو گون ده داوام ائتدیگینی بیلدیرهرک، گونئی آزربایجانین اساس قورتولوش یولونون موستقیللیک اولدوغونو و بو یولا هر زامان صادق قالدیغیمیزی دقته چاتدیریر. گادتب سید جعفر پیشه ورینین یولوندا مبارزه ده بوتون میللتیمیزی بیرلیه چاغیرماقلا، سید جعفر پیشه ورینین دوغوم گونو موناسیبتیله ده بوتون آذربایجان تورک میللتینی تبریک ائدیر.
اژدر تاغیزاده
گونئی آزرباجان دئموکراتیک تورک بیرلیگی (گادتب) باشقانی
