ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، آمئريکانين سسي گونئي آذربايجان دئموکراتيک تورک بيرليگي (گادتب) و گونئي آذربايجان ايستيقلالچيلار بيرليگينين (گايب) باشقاني سايين اژدر تاغيزاده ايله موصاحيبه آپارمیشدیر. موصاحيبه‌نين متنيني و سس یازیسینی تقديم ائديريک:
اژدر تاغيزاده حساب ائدير کي، آمریکا رسميلرينين ايرانداکي مؤوجود حاکيميته موخاليف اولان معين قروپلارين نماينده‌لري ايله گؤروشلر کئچيرمه‌سي، ديگر قروپلارلا گؤروشميه‌جگي آنلامينا گلمز. گونئي آذربايجان دئموکراتيک تورک بيرليگي (گادتب) تشکيلاتينين صدري آمريکانين سسي ايله صحبتده کئچن آيلاردا فورمالاشان گونئي آذربايجان ايستيقلالچيلار بيرليگينين حاضيرکي سياسي دوروملا علاقه دار يوروتدويو سياست و فعاليتلري حاقيندا دانيشيب.
“ايراندا ميلتلرين هاميسي بو رئژيمدن قورتولماق ايسته‌يير. فارسلار دا قورتولماق ايسته‌يير. ايقتيصادي دوروم آغيردير. پول يوخدور. کورروپسييا و روشوت وار. قاچاقاچ چوخاليب،” دئيه اژدر تاغيزاده ايرانداکي سياسي-ايقتيصادي وضعيتي تصوير ائدير.
چاليشيلير بئله گؤستريلسين کي، هر شئي بيتميش و معين قروپلاري ايراندا حاکيميته گتيريرلر.
اونون سؤيله‌ديکلرينه گؤره، ايستيقلالچيلار بيرليگي يئني سياسي وضعيته تاثير گؤسترمک اوچون هم ايرانين غئيري-فارس جمعيتلريني تمثيل ائدن تشکيلاتلار هم ده غرب اؤلکه‌لرينين رسميلري ايله موناسيبت قورماغا چاليشير.
خالقين موجاهيدلري تشکيلاتينين نوماينده لري هابئله ايرانين سون شاهي محمدرضا پهلوينين اوغلو رضا پهلوينين بعضي آمريکالي سياستچيلرله گؤروشمه‌لرينه ديقت چکن اژدر تاغيزاده، بونون آمریکا رسميلرينين ديگر قروپلارلا گؤروشمه‌ديگي آنلامينا گلمه‌ديگيني وورغولايير:
“چاليشيلير بئله گؤستريلسين کي، هر شئي بيتميش و معين قروپلاري ايراندا [حاکيميت] گتيريرلر. بو بئله گئتمز. آمريکاليلار بونو بير زامانلار افغانستان و عراقدا ائتديلر… آما آمريکادا هر شئي بو فورمادا اولمور. اورادا سياستين بير طرفي يوخدور. بيزيم ده علاقه لريميز وار. بئله دئييل کي، آمريکاليلار ايراندا ميلتلري گؤرمزدن گله‌لر.”
تاغيزاده علاوه ائدير، “آرتيق آمريکاليلار بيلير کي، ايراندا ميللتلرين هاميسي بو رئژيمدن قورتولماق ايسته‌ييرلر.”
