پنج‌شنبه , مارس 28 2024
azfa
تازه ها

گادتب و گايب باشقاني سايين اژدر تاغيزاده نين گونئي آذربايجاندا اعتيراضلارلا باغلي بيلديريشي

گادتب: آذربايجانين گونئيينده ياشايان عزيز آذربايجان تورک ميللتي!

بو گون ايشغالچي فارس رئژيميني تمثيل ائدن شووينيست فارس-موللا رئژيمينين هر طرفلي ايمکانلاري توکنديگي اوچون بنزينين قيمتيني قالديرماق مجبوريتينده قاليب. سانکسيالار رئژيمين بئليني سينديرماقدادير و اونا گؤره رئژيم خالقي يوخويا وئريب قييمت آرتيمي ايله اؤزونو قورتارماغا چاليشير. بو گون بنزينين قيمتيني قالديران رئژيم صاباح باشقا قيمت آرتيمي ايله خالقي کؤله وضعيتينه سالماقلا اؤزونو قورتارماغا چاليشاجاق.

ايران آدلانان اؤلکه‌ده ياشايان خالقلار بو رئالليغي درک ائدرک بو گون آياقدادير. شووينيست-ايرتيجاچي فارس رئژيمين ايشغال و موستملکه‌چيليگينه معروض قالان آذربايجان تورک ميللتي بو گون داها آرتيق ظلم و آيري سئچکيلييه معروض قالماقدادير. رئژيم آذربايجانا قارشي باسقيسيني داها دا آرتيريب. حبسلر و ايشگنجه‌لرله رئژيم ميلتيميزين حاق سسيني بوغماغا چاليشير. بئله اولان حالدا آذربايجان تورک ميلتي فارس شووينيزمينين ووروجو قولو اولان ايرتيجاچي فارس-موللا رئژيمينه قارشي هر فورصتدن فايدالانيب، يالنيز اؤز شعارلاري و اؤز ايستکلري ايله ميدانلارا چيخماليدير.

فارس-موللا رئژيمي داغيديجي سياستيله باغلي اولاراق آمریکا، آوروپا بيرليگي و عرب اؤلکه‌لري ايله ده راضيليغا گله بيلمير. اونلارين قارشيسيندا بوتون ايمکانلاري توکنن رئژيم داخيلده خالقلاري دا دؤزولمز وضعييته دوچار ائديب. رئژيمين بوتون جهدلرينه باخماياراق بئله وضعيتده ميللتيميزين بوتون آذربايجان بويو اعتيراضا قالخماسي رئژيمي ضعيفلده‌جک. رئژيمين ضعیفله‌مه‌سي ايسه اونون پارچالانماسينا گتيريب چيخاراجاق. بو ايسه بيزيم ميلتيميزين خئيرينه‌دير و آذربايجان تورک ميلتي اولکي اينقيلابلاردان دا نتيجه چيخارمالي و اينديدن اؤز شعارلاري و ايستکلري ايله مئيدانلارا چيخماليدير. اگر ميلتيميز اعتيراضلاردان کناردا قالسا و رئژيم گييشيکليگي باش وئرس، يئنه باشقا بير عيرقچي فارس رئژيمين اسارتينه دوشوب ظولم و موستملکه‌چيلييه معروض قالجاق. حاضيردا عيرقچي رئژيمله اونا موخاليف اولان عيرقچي فارسلارين بير-بيرينين جانينا دوشدويو بير دؤور آذربايجان تورک ميلتينين اؤز موستقيلليگيني الده ائتمه‌سي اوچون داها مناسيب شراييط مؤوجوددور. اونا گؤره آذربايجان تورک ميلتي بو فرصتدن دوزگون يارارلانيب اؤز شعاري و صيرف گونئي آذربايجانين موستقيلليگي اوغروندا مئيدانلارا آخيشمالي و موباريزه آپارماليدير.

اژدر تاغيزاده

گونئي آذربايجان دئموکراتيک تورک بيرليگي (گادتب) و گونئي آذربايجان ايستيقلالچيلار بيرليگي باشقاني

دوباره امتحان کنید

اختراعات نوآورانه ترکیه در صنعت دفاع

گادتب: شرکت مهندسی سیستم‌های دفاعی ترکیه «FNSS» با نوآوری‌های همگرایانه، بسیاری از راه‌حل‌های تکنولوژیکی را …

امیرافشار افشاری: غارِ کرفتو، اثری باستانی در آزربایجانِ تاریخی

گادتب:  غار کَرَفتو، غاری باستانی و اثری تاریخی  که در صخره مرتفعی در شرق شهر …

دیدگاهتان را بنویسید