ادتاج اتحادیه دمکراتیک ترک آذربایجان جنوبی
گادتب: گونئي آذربايجان ميللي حرکاتي بير اوخلا ايکي دوشمني ووردو
ايران فارس ايشغالچي رئژيمي آذربايجان جمهوريتينه تهديد ماهيتلي حرکتينين گونئيدن جاوابلاناجاغيني حسابا قاتماديغي اوچون گونئيين شيللهسيله گيجللنميشدير.
ايران فارس ايشغالچي رئژيمي آذربايجان جمهوريتينه گؤزداغي وئرمک آماجييلا خوجالي سويقيريمي گونلرينده ايشغالچي ارمنيستانين باش ناظيري نيکول پاشينياني تهرانا دعوت ائدهرک بير جوخ تيجاري، سياسي، ايقتيصادي و تهلوکهسيزليک مقاويلهلرينه ايمضا آتدي. اوسته ليک قاراباغي ارمنيستان توپراغي کيمي گؤسته رن ائيلملرده بولوندو. ايرانين فارس ايشغالچي رئژيمينين بو عمليندن غضبله نن گونئي آذربايجانين قهرمان گنجلري، گونئي آذربايجانين باشکندي تبريزده ميللي بايراغيميزي دالغالانديراراق، بير اوخلا ايکي دوشماني تام ايصابتله اورگيندن ووردو.
گونئي آذربايجان گنجليگي بو جسور حرکتله هم ده بوتون دونيايا گونئي آذربايجانين ايران اولماديغيني و آذربايجان ميللي بايراغينين احاطه دايرهسيني خاطيرلاتدي.
گونئي آذربايجان ميللي حرکاتي بو عملله ايران تابولارين بير دفعه ليک سينديريب، آچيق فورمادا ايستيقلالچي و بوتؤوجو اولدوغونو تام جسارتله اورتايا قويدو. “قاراباغ بيزيمدير بيزيم اولاجاق!” سلوقاني ايله آذربايجانين بوتونلوگونو قوروماغا حاضير اولدوغونو و هئچ بر وجهله بير قاريش توپراغيني اونوتماييب و اونوتدورماياجاقدير. ميللتيميز آچيقجاسينا گونئيين ايستيقلالي ايله ياناشي، قاراباغين آزادليغي اوغروندا دا ساواشا جاني-ديلدن حاضير اولدوگونو اعلان ائتميشدير.
گونئي بوزقوردلارينين شانلي بايراغيميزي تبريزده دالغالانديرماسي آذربايجان و تورکيه جمهوريتلريني ده سيلکلهييب اوياتدي. عئيني زاماندا گونئي آذربايجان ميللي حرکاتيني ايرانچيليغا سوروکلهمهيه چاليشانلارا و ائله جه ده ميللي حرکاتا بايراق ياماماقلا باشقا ميلت آنلاييشي ياراداراق بوتؤولوگوموزه تهديد ائدنلره ده سرت جواب اولدو.
گونئي آذربايجان ايستقلالچيلار بيرليگي بو بؤيوک غلبه موناسيبتيله بوتون سويداشلاريميزي تبريک ائديب، ايستيقلال اوغروندا ساواشدا جسور مباريزلريميزي داها دا ديقتلي اولماغا چاغيرير.
رد اولسون ايشغالچي فارس رئژيمي!
وار اولسون موستقيل گونئي آذربايجان!
