ادتاج اتحادیه دمکراتیک ترک آذربایجان جنوبی
گادتب: گونئي آذربايجان ايستيقلالچيلار بيرليگينده بيرلشن گونئي آذربايجان دئموکراتيک تورک بيرليگي، گونئي آذربايجان ايستيقلال پارتيياسي و گونئي آذربايجان ميللي يول تشکيلاتي گونئي آذربايجاندا 22 ماي قييامينين ايلدؤنومو موناسيبتيله ايسوئچين پارلامئنتي و خاريجي ايشلر ناظيرليگينده “گونئي آذربايجانين پروبلئملري و ايستيقلالا گئدن يول” آدي آلتيندا ايجلاس کئچيره‌رک، گونئي آذربايجاندا ميللي آزادليق حرکاتي و آذربايجان تورک ميلتينين حقوقلارينين تاپدانماسي مذاکيره ائديله‌جک.
“گونئي آذربايجانين پروبلئملري و ايستيقلالا گئدن يول” ايجلاس 2018-جي ايل ماي آيينين 23-ده استکهلمدا ايسوئچ پارلامئنتينده ريسک گاتئن 1 عنوانيندا ساعات 12:30-دان 15:30-دک کئچيريله‌جک.
ايجلاسدا گونئي آذربايجانين ايستيقلالچي تشکيلاتلاري ايسوئچلي رسميلر و ميلت وکيللري ايله گونئي آذربايجانين 22 ماي قييامي و ظولمه معروض قالان ميلتيميزين حرکاتينين وحشيجه‌سينده ياتيريلماسي، چوخ سايدا سيويل اعتيراضچينين شهيد ائديلمه‌سيني، ائله جه ده آذربايجان ميللي حرکاتينين بوگونکو دورومو و آذربايجان تورک ميلتينين موستملکه‌دن قورتارماق اوغروندا موباريزه‌سينين وضعيتيني مذاکيره ائده‌جکلر.
