آذربايجان خالق جمهوريتينين 100 ايلليگي مراسیمینده گونئي آذربايجان تورکونو قتل عام ائدن پهلوي نين اوغلونون دعوتينه اعتراضيميزي بيلديريريک
آمريکانين واشينگتون شهرينده آذربايجان ائلچی لیگینین (سفيرليگينين) تشکيل ائتديگي جمهوريتيميزين 100 ايلليگي موناسيبتينه کئچيريلن مراسيمده اوزونتولو صحنه يه شاهيد اولدوق. آذربايجان تورکلريني قتل عام ائديب، قان قوسدوران پهلوي سولالهسي نين قالينتيسي اولان رضا پهلوينين هئچ بير سياسي سیمتی اولمادان آذربايجان جمهوريتي نین ایلچی لییی طرفيندن رسمي قوناق کیمی دعوت اولونماسيني بوتون گونئي آذربايجان تورکونه تحقير، مينلرله شهيديميزين قانينا حؤرمت سیز لیک و گونئي آذربايجانلی باجی ـ قارداشلارینا آرخا چئوريمک کيمي گؤرونمکده دير. داها اوزونتولوسو بوردادير کي، بو اورک آجيدان حاديثه هئچ ده تصادوفي دئييل و حتّي آذربايجانين ايرادهسيندن خاريج کيمي گؤرونور. پهلويني سياسي آلتئرناتيو گؤسترمهيه چاليشان چئوره لرین، گونئي آذربايجان میللتی ايله آلاي ائتمگي بوراخيب و مسئلهلره داها دا رئال باخماغا چاغيريرق. چونکي، گونئي آذربايجان تورکونون ايرادهسيني گؤرمهمزليکدن گلن هر هانسي بير پروژه و آلتئرناتيو کسينليکله گونئي آذربايجان تورکونون شيللهسي ايله قارشيلاشيب، يئنيلگييه اوغراياجاقدير.
گونئي آذربايجان ايستيقلالچيلار بيريليگي (گايب) رضا پهلوينين آذربايجان جمهوريتي مراسيمينه دعوت ائدیلمه سینی قیناییب، شيدّتله اعتيراضيني بيلديريب، آذربايجان جمهوريتيميزين صلاحییتلی مسئوللاریندان بیر آچيقلاما گؤزلهمکدهدير. بونونلا ياناشي بيلديرمک ايسته ييريک کي، گونئي آذربايجان میللتی ايران ايشغالينا قارشي قورتولوش ساواشيني آردجیلیقلا داوام ائتديریب، موستقيل گونئي آذربايجان جمهوريتيني قورماغا قرارلیدیر. گونئی آذربایجان ایسیقلاچیلار بیرلیگی اعلان ائدير کي، ايران آدي آلتیندا و ترکيبينده اولماق ایسته میر و بئله بیر دؤولتی ده هئچ بير آد و ماهيتله قبول ائده بیلمه ز. گونئي آذربايجان تورکلري اولاراق، بوتون گوجوموزله اونا قارشي ساواشيب، مغلوب ائدهجه ییک.
گونئي آذربايجان ايستيقلالچيلار بيرليگي (گايب)