چهارشنبه , نوامبر 18 2026
azfa
تازه ها

گونئي آذربايجان ايستيقلالچيلار بيرليگينين (گايب) بابک قالاسي قورولتايي حبسلري ايله باغلي بيلديريشي

گادتب: آذربايجانين غئيرتلي و موباريز ميلتي!

ايلليک بابک قالاسي قورولتايي و آذربايجانين مقاويمت سيموولو اولان مراسيمه قاتيلماق نيتينده اولان آذربايجانلي فعاللارين ياخالانماسي، بير داها رئژيمين و اونون چئشيد-چئشيد اوزدن ايراق مخاليفتينين نه درجه‌ده راسيست و شووينيست اولدوغونو گؤستردي. بو مسئله بير داها ثوبوت ائتدي کي، بيزيم آراميزداکي ايختيلاف باريشلا اورتادان قالخا بيلن ايختيلاف دئييلدير. چونکي بو ايختيلاف اونلارين ايستيلاچي و عيرقچي دوشونجه‌لري ايله بيرباشا باغلي اولدوغو اوچون، بيزيم ايسته یيميز اونلارين بو دوشونجه‌لريني ردَ ائتمکدير.

بيزيم ميللي ايستکلريميزي رئژيمين ايرتيجا و راسيست قانادلارينين خسته تصوَرلرينين آرخيوينده و يا بين الخالق آل-وئرده، ائله جه ده دونيا گوجلرينه نؤکرچيليک و کئچميش جينايتکارلارلا آنلاشمادا و توتاريتاريزمده آختارانلار ياخين گله‌جکده دوشونولمه‌ميش بو ايشلرينه و يانليش تحليللرينه گؤره جاواب وئرمه‌لي اولاجاقلار.

آذربايجانلي فعاللارين گئنيش ميقياسدا حبسي بير داها گؤستردي کي، گونئي آذربايجانين يئگانه قورتولوش يولو موستقيلليک ايستيقامتينده بيرلشمه‌سي و اؤز موستقيلليگي اوغروندا چاليشان غئيري-فارس ميلتلرين پارتييا و تشکيلاتلاري ايله امکداشليغيندادير.

ظولم آلتيندا اولان ميلتلرين بيرليگي، همرأيليگي و قهرمانجاسينا مقاويمتي ايله ايشغالچي رئژيم و اونون قدَار قووه‌لرينين هميشه‌ليک وطنيميزي ترک ائده‌جگي آن چوخ دا اوزاقدا دئييلدير.

گونئي آذربايجانين ميللي-مدني فعاللاري قئيدسیز-شرطسيز آزادليغا بوراخيلماسا بو رئژيم و اونون حيمايه دارلارينا باها باشا گله‌جک.

ياشاسين گونئي آذربايجانين آزادليق مباريزه‌سي!

ياشاسين راسيزم زيندانلاريندا مقاويمت گؤسترن گونئي آذربايجانين ايگيد اوغوللاري!

 

دوباره امتحان کنید

ایران پس از انتخابات میان‌دوره‌ای آمریکا مواضع خود را سخت‌تر کرده‌ است

گادتب: روزنامه نیویورک‌تایمز به‌نقل از «مقام‌های آمریکایی، اروپایی و ایرانی»‌ نوشت رهبران جمهوری اسلامی پس …

ترامپ: احتمال استفاده ایران از «بمب کثیف» در خاک آمریکا را جدی می‌گیرد

گادتب: دونالد ترامپ، رئیس‌جمهور آمریکا، روز سه‌شنبه ۲۶ آبان گفت واشینگتن احتمال برنامه‌ریزی ایران برای …

دیدگاهتان را بنویسید