پنج‌شنبه , مارس 28 2024
azfa

گونئي آذربايجان دئموکراتيک تورک بيرليگينين (گادتب) بير خرداد قيامينين ايلدؤنومو ايله باغلي بيلديريشي

گادتب: بريتانيا و خاريجي گوجلرين چئوريليشي و عيرقچي فارسلارين تورک اراضيلرينده و گونئي آذربايجاندا حاکيميته گتيريلمه‌سي نتيجه‌سينده فاکتيکي اولاراق گونئي آذربايجان فارس اسارتي آلتينا ساليندي. لاکين گونئي آذربايجاندا تورک ميلتي بو ايشغال و اسارتله باريشماييب، اؤزونون آزادليغي و موستقيلليگي اوغروندا موباريزه‌سينه داوام ائديب، 1945-جي ايلده آذربايجانين بير حيصه سينده اؤز دؤولتيني برپا ائده بيلدي. بو دفعه ايسه شرق و غرب بلوکونون بيرباشا و يا دولايي يارديمي ايله يئنه عيرقچي فارسلار گونئي آذربايجاني ايشغال ائتديلر.

-1925جي ايلدن باشلانان ايشغال، آسيميلياسيا و عيرقچي فارس رئژيمينين موستملکه سياستي نتيجه‌سينده گونئي آذربايجاندا تورک ميلتي بوتون طبيعي حاقلاريندان محروم ائديليب، تاريخي، مدنيتي و ديلي دانيليب و بو گون ده بيزي بير ميلت اولاراق يوخ ائتمه سياستيني کسکين شکيلده داوام ائتديريرلر.

اونلار آذربايجانين بؤيوک تورک ميلتيني فاشيستجه‌سينه کيچيک قؤوم کيمي گؤسترمه‌يه چاليشيب، اؤلکه‌ميزي تالان ائده‌رک، بوتون يئر آلتي و يئر اوستو ميللي سرمايه‌لريني فارس بؤلگه‌لرينه داشيييرلار.

عئيني زاماندا بوتون مئديا ايمکانلاريندان فايدالاناراق چاليشميشلار کي، ميلتيميزي جاهيل، گئريچي و… گؤستريب، ديل و کولتوروموزه قارشي آغير تحقير ائديجي وئريليش و فيلملر حاضيرلاسينلار.

2006-جي ايلده عيرقچي و ايشغالچي فارس دؤولتينين رسمي اورگاني اولان «ايران» قزئتينده تحقير ائديجي بير کاريکاتور ايله ان چيرکين و غئيري-اينساني شکليده ميلتيميزي تحقير ائديب و حقيقي عيرقچي و فاشيست صيفتلريني گؤستره‌رک ميللي وارليغيميزين نئجه يوخ ائتمک استراتئگيياسيني يايينلاديلار. بو اييرنج و تحقير اوصولو ايله آذربايجانلي اوشاقلارين بئيينلريني يوماق سياستي آرتيق ميلتيميزين صبير کاساسيني داشيردي.

ميليونلارجا آذربايجان تورکو کوچه‌لره آخيشاراق، “هاراي-هاراي من تورکم!” دئييب، اؤز وارليغينا صاحيب چيخديب، ايشغالچي فارس رئژيمين آپارديغي اينکار و آسيميلياسيون سياستيني بوشا چيخارديلار.

بير خورداد قياميندا ميلتيميز ايشغالچيليق، عيرقچيليک و موستملکه‌چيلييه قارشي عصيان قالديريب، گؤستردي کي، کيمسه اونون منليگيني تاپدالاييب، تحقير ائده بيلمز. مينلرله آذربايجان تورکو ياخالانسا دا، اونلارجا شهيد وئرن، يوزلرله اينساني يارالانان خالقيميز بير داها دونيايا گؤستردي کي، آذربايجان تورک ميلتي اؤز موستقلليگي اوغروندا مباريزه‌سيني داوام ائتديرمکده‌دير.

شوبهه‌سيز گونئي آذربايجانين 1 خورداد قيامي آذربايجان تاريخينده قيزيل بير صحيفه آچدي و موستقيلليک اوغروندا مباريزه‌ميزين موهوم بير مرحله سي کيمي قئيد ائديلمکده‌دير. گونئي آذربايجاندا ميللتيميز شهيدلريميزين آماليني و يولونو ديري ساخلاماق مقصديله چوخ موهوم تدبيرلر کئچيريرلر. گونئي آذربايجان دئموکراتيک تورک بيرليگي (گادتب) 1 خورداد قيامينين شهيدلرينين يولونو صداقتله داوام ائديب، گونئي آذربايجاندا ميلتيميزين موباريزه‌سيني و کئچيرديگي تدبيرلري دستکله‌يير و اينانير کي، بو موباريزه گئج-تئز گونئي آذربايجانين موستقيلليگي و آزادليغي ايله سونوجلاناجاق.

اژدر تاغيزاده

گونئي آذربايجان دئموکراتيک تورک بيرليگي (گادتب) باشقاني

دوباره امتحان کنید

حضور بانوان طرفدار تراختور در استادیوم

گادتب: به گزارش مرکز گادتب، برخی رسانه های هواداری تیم تراختور از صدور مجوز حضور …

«احد سیف‌خواه» با قرار وثیقه از زندان مرکزی تبریز آزاد شد

گادتب: به گزارش مرکز گادتب، «احد سیف‌خواه» برادر «آیاز سیف‌خواه» (فعال آزربایجانی که در بند …

دیدگاهتان را بنویسید