ادتاج اتحادیه دمکراتیک ترک آذربایجان جنوبی
گادتب: ايشغالچي و عيرقچي فارس رئژيم بير طرفدن گونئي آذربايجاني ايشغال ائده‌رک، موستملکه وضعيتينه ساليب، ديگر طرفدن ايسه دونيادا آپارديغي داغيديجي سياست يئريتمکله اهاليني بين الخالق سانکسييالارلا قارشي-قارشييا قويموشدور. نتيجه‌ده، آذربايجان تورک ميلتينين موستملکه شراييطينده چوخ چتينليکله قوردوغو ايقتيصاديات دا رئژيمين داغيديجي سياستي نتيجه‌سينده بؤيوک ضربه آلاراق، داغيلميشدير. بئله وضعيتده ايسه اهالينين بير قيسمي عائيله سيني حلال روزي ايله دولانديرماق مقصديله خيردا ساتيجيليقلا مشغول اولماغا مجبور اولموشلار.
ايشغالچي فارس رئژيم ايسه آجيناجاقلي وضعيته سالديغي و ساتيجيليقلا عائيله سينه حلال چؤرک قازانان ساتيجيلارا ديوان توتوب، اونلارين اوزرينه بلدييه، پوليس و ديگر گوج اورقانلاريندا چاليشان الالتيلارين يئريتميشدير. دينج اهالينين اوزرينه قوشون يئريديب، اونلارا ديوان توتوبلار. لاکين خالق دا اؤز ياناشماسي ايله گؤستردي کي، آذربايجان تورک ميلتينين اهالینی بير تيکه چؤره‌يه مؤحتاج قويان بو جللاد رئژيمه موناسيبتي نئجه اولاجاق.
گونئي آذربايجان دئميکراتيک تورک بيرليگي (گادتب) عيرقچي و ايشغالچي فارس رئژيمين آجيناجاقلي وضعيته سالينميش دينج ساتيجيلارا ديوان توتماسيني کسکين شکيلده پيسله‌ييب، خالقي رئژيمه قارشي بيرلشمه‌يه و بو آجيناجاقلي موستملکه وضعيتيندن قورتارماق اوچون يئگانه يولون موستقيلليک اولدوغونو بيلديرير. گادتب يالنيز گونئي آذربايجانين اؤز موستقيلليگيني الده ائتمه‌سي ايله بوتون ظولملردن قورتاراجاغيني بيلديرير.
اژدر تاغيزاده
گونئي آذربايجان دئميکراتيک تورک بيرليگي (گادتب) باشقاني
