ادتاج اتحادیه دمکراتیک ترک آذربایجان جنوبی
گادتب: عيرقچي فارس موللا رئژيمينين داياقلارينين لاخلاديغي بير واختدا، هئچ بير گوناهي اولمايان اونلارلا آذربايجانلي فعالی ايش يئرينده و يا اؤز ائوينده ياخالایاراق حبس ائتميشدير. بونا سبب آذربايجانليلارين سیویل بابک قالاسي قورولتايينا حاضيرلاشماسي اولوب. ايشغالچي فارس رئژيمينين بابک قالاسي قورولتايي کيمي دینج و مدني بير توپلانتييا بئله، صيرف آذربايجانلا باغلي اولدوغو اوچون، جيدي دؤزومسوزلوک گؤسترمه‌سي، بو رئژيمين بير داها نه درجه‌ده آنتي-تورک و آنتي-آذربايجان اولدوغونو ثوبوت ائتمکده‌دير.
ايقتيصادي بحرانلار، خاريجي سانکسييالار، بوتون بؤلگه‌لرده اهالينين رئژيمه جيدي اعتراضی، رئژيمين اؤز داخيلينده‌کي پارچلانمالار و بوتون بونلارين فونوندا اشغالچی ايران رئژيمينين هر بير شئيي بوراخيب آذربايجانليلارين سيويل فعاليتينين قارشيسيني آلماغا دوشمنجه سینه چاليشماسي رئژيمين آذربايجاندان نه قدر چکينديگيني گؤسترير. هله باش توتماميش بير فعاليته قارشي بو جور هجوملار و فعاللارين حبسي موللا رئژيمينين حقيقي معنادا تورکون وارليغينا و اونون مدنيتينين تظاهورونه قانلی دوشمن کیمی قارشي اولدوغونو ثوبوت ائدير.
البته ايشغالچي فارس رئژيمي ائتديگي تضييقلرله هئچ نه الده ائده بيلمه يه‌جک. چونکي خالقيميز آرتيق اويانيب و اؤز يولونو سئچيبدير. آذربایجان تورک میلتینین یولو آذربایجانین مستقیللیگی دیر. فارس رئژيمينين بو حرکتلري ده بير داها ثوبوت ائتدي کي، آذربايجان تورک ميلتينين بو موستملکه چيليکدن قورتولوب، موستقيل اولماقدان باشقا بير يولو قالماميشدير.
گونئي آذربايجان دئموکراتيک تورک بيرليگي (گادتب) عيرقچي فارس رئژيمينين آذربايجان ميلتينه قارشي بو دوشمنچيليگي و آذربايجانلي فعاللاري حبس اوتمه سینی پيسله‌يير و حبس ائدیلن آذربايجانلي فعاللارين درحال آزاد ائديلمه‌سيني طلب ائدير. آذربایجان تورک میلتینی ایسه موستملکه چی فارس رژیمینه قارشی بیرلشیب آذربایجانیمیزی مستقیل ائتمک اوغروندا بیرلیکده مبارزه آپارماغا چاغیریریق.
گونئي آذربايجان دئموکراتيک تورک بيرليگي (گادتب)
