ادتاج اتحادیه دمکراتیک ترک آذربایجان جنوبی
گادتب: گونئي آذربايجاني ايشغال ائدهرک، موستملکهيه چئويرميش فارس شووينيست رئژيمي آذربايجان تورک ميلتينين اويانيشي و موستقيلليک اوغروندا عزميني گؤرهرک، مين بير حيله و اويونلا آذربايجان ميللي حرکاتي فعاللارینین باشيني قاتماغا و اونلاری موستقيلليک دوشونجهسيندن يايينديرماغا چاليشير.
عيرقچي و ايشغالچي فارس رئژيمينين بو ايستيقامتده يئني تاکتيکاسي ايسه رئژيمين تحصيل ناظيري کيمي هئچ بير جيدي صلاحيتي اولمايان شخصينين آغزيندان رئژيمين اصیل آنتي-تورک و عيرقچي ياناشماسيني اورتايا قويماسی، سئچکي قاباغي رئژيمه باغلي اولان امام جمعه، ميلت وکيللري و سایر رئژيمه باغلي رسميلره ظاهيري تنقيد شراييطي ياراتماقلا اونلارا سيمپاتييا ياراتماق و ميللي حرکاتين گوجونو شووينيست رئژيمين داخيلي چکيشمهلرينده صیفيرا ائنديرمکدير. عيرقچي فارس-موللا رئژيمي بو تاکتيکا ايله گونئي آذربايجان ميللي حرکاتيني اؤز اصیل آماجي اولان گونئي آذربايجانين ايستيقلالی دوشونجه سیندن يايينديرماقدیر
هر بير آذربايجان تورکونون ده بيلديگي کيمي، عيرقچي فارس رئژيمي گونئي آذربايجاندا تکجه آذربايجان تورکونون ديليني قاداغان ائتمهميشدير. بو شووينيست رئژيم بوتؤولوکده گونئي آذربايجاني ايشغال ائدهرک، موستملکهيه چئويرميش، وطنيميزي پارچا-پارچا بؤلهرک، ميلتيميزي وحشيجهسينه آسسيميلياسييا و فارسلاشديرماغا معروض قويموشدور. عيرقچي فارس-موللا رئژيمي تکجه بونونلا کيفايتلنمهميش، آذربايجانين بؤيوک بير حيصه سينين کوردلشمهديرمکدهدير. واختيله رئگيونون ان اينکيشاف ائتميش اؤلکهسي اولان گونئي آذربايجان عيرقچي پهلوي رئژيمي، ايندي ايسه فارس-موللا رئژيمينين موستملکهچيليک سيياستي نتيجهسينده مقصدلي شکيلده گئري ساخلانيلميشدير. بو رئژيم حتّي گونئي آذربايجانين اطراف محيطينه بئله رحم ائتمهميش، اورمييا گؤلونو قوروتماقلا، مقصدلي شکيلده آذربايجاني اکولوژي فلاکتله قارشي-قارشييا قويموشدور. اونا گؤره ده گونئي آذربايجانين تک دردي، اونسوز دا شووينيست رئژيمين هئچ واخت وئرميهجگي تورک ديلي دردي دئييلدير. رئژيمين موستملکه سيياستي نتيجهسينده بوتون گونئي آذربايجان محو ائديلمکدهدير. گونئي آذربايجان يالنيز اؤز موستقيلليگيني الده ائتمکله اؤز يوردونا، اؤز خالقينا و اؤز ديلينه صاحيب چيخا و اونون اوچون ياراديلميش پروبلئملري حل ائده بيلر. يوخسا شووينيست فارس رئژيمي اون ايللر بويو اؤزونون عيرقچي و آنتي-تورک خيصلتيني ثوبوت ائتميش و ايندي ده يالنيز آذربايجان ميللي حرکاتي ايله ديل مسئله سينده اويون اوينايير. هامييا آيديندير کي، آذربايجان تورک ميلتينين آنا ديلينده تحصيل آلماق حوقوقو بو رئژيمين عيرقچي خيصلتينه تاماميله ضيددير و رئژيم هئچ واخت آذربايجان تورک ميلتينين حقوقلاريني تانيماياجاق.
بو رئالليقلاري نظره آلاراق، گونئي آذربايجان دئموکراتيک تورک بيرليگي (گادتب) آذربايجان تورک ميلتيني عيرقچي فارس-موللا رئژيمينين ديل اويونونا اويماماغا و بوتون گوجونو گونئي آذربايجان يئگانه قورتولوش يولو اولان موستقيللييه يؤنلتمهيه سسلهيير.
