ادتاج اتحادیه دمکراتیک ترک آذربایجان جنوبی
گادتب: بو گون ايشغالچي و عيرقچي فارس رئژيمينين موستملکه و ايرتيجاعي سياستي نتيجه‌سينده بوتون اينسانلارلا ياناشي معليملرين ده حقوقلاري پوزولور. 39 ايلدير معليملر مادي-معنوي باسقي و تعضيقه معروض قاليرلار. ايندي ايسه فارس-موللا رئژيمينين داياقلارينين لاخلاماغا باشلاديغي بير واختدا جمعيتين ضيالي قيسمي ايله دوشمنچيليک و آيري-سئچکيليک سياستي داها دا کسکينلشميش و اونلارين ايشي قارشيسيندا اويغون امک حاقي بئله اؤدنمير. نتيجه‌ده معليملر سون ايللرده داها کسکين سوسيال-ايقتيصادي پروبلئملرله ده قارشي-قارشييا قاليب.
گونئي آذربايجان معليملري ايسه سوسيال-ايقتيصادي پروبلئملرله ياناشي رئژيمين عيرقچي سياستي نتيجه‌سينده هم ده موستملکه‌چي بير رئژيمين رسمي دؤولت ديليني اؤز ميلتينين اؤولادلارينا اؤيرتمک مجبوريتينده‌دير و داها بؤيوک معنوي ظلم و باسقييا معروض قاليرلار. بئله آغير ظلمه معروض قالان معليملر ايسه اعتيراض ائتديکده زامان-زامان تعضيق، حبس و حتّي شرلنه‌رک، اعداما معروض قاليبلار.
گونئي آذربايجان دموکراتيک تورک بيرليگي (گادتب) بوتون معليملريميزي بو حاقلي اعتيراض و تعطیللرينده دستکله‌يير، اونلارين حاق-حقوقلارينين برپا ائديلمه‌سيني طلب ائدير. اينانيريق کي، جمعيتيميزين معنوي طبقه‌سي اولان و يئني نسليميزي تربييه ائدن معليملريميزين مؤوقعيي ائففئکتيو تاثيره ماليکدير و بو اعتيراضلار ايشغالچي و ايرتيجاعي فارس-موللا رئژيمينين سقوطونو داها دا سرعتلنديره‌جک.
اژدر تاغيزاده
گونئي آذربايجان دموکراتيک تورک بيرليگينين (گادتب) باشقاني
