جمعه , مارس 29 2024
azfa

گونئي آذربايجان دموکراتيک تورک بيرليگينين (گادتب) تورکيه‌نين جمهوريت گونو موناسيبتيله تبريک مئساژي

گادتب: بو گون 29 اوکتيابر تورک دونياسينين گوجلو اؤلکه‌سي و دونيا تورکلرينين اوميد يئري – تورکيه‌ده جمهوريت گونو قئيد ائديلير.

دونيانين بؤيوک دؤولتلرينين عثمانلي دؤولتينه هر طرفدن هجوما کئچمه‌سي بير دونيا محاريبه سينده بؤيوک تورک دؤولتينين بؤيوک حيصه سينين ايشغالي ايله نتيجه لندي. لاکين مصطفی کمال آتاتورکون اؤندرليگينده 1919-جو ايله مايين 19-دا ميللي-قورتولوش ساواشي باشلاندي. تورکيه دؤولتينين بانيسي مصطفی کمال آتاتورکون اؤندرليگي ايله تورکيه تورک ميللتي ميللي مجاديله‌نين نتيجه‌سي اولاراق 1923-جو ايل اوکتيابرين 29-دا اينديکي تورکيه جمهوريتي اعلان اولونوب.

تورک دونياسينين بؤيوک دؤولتي و تورکلرين اوميد يئري تورکيه‌نين جمهوريت بايرامينين تکجه تورکيه‌نين تورک ميللتينين دئييل، بوتون دونيا تورکلرينين بايرامي اولدوغو کيمسه‌ده شوبهه دوغورمور. گونئي آذربايجان دموکراتيک تورک بيرليگي (گادتب) بو بايرام موناسيبتيله تورکيه دؤولتيني، تورک ميللتيني و عموميتله تورک دونياسيني تبريک ائديب و تورکيه‌نين داها دا گوجلنمه‌سيني آرزو ائدير. گونئي آذربايجان تورک جمهوريتينين يارانماسي ميللتيميزين و گونئي آذربايجان دموکراتيک تورک بيرليگينين اساس آماجيدير و بو ايستيقامتده حاقلي موباريزه‌ميز داوام ائدير.

 

اژدر تاغيزاده

گونئي آذربايجان دموکراتيک تورک بيرليگينين (گادتب) باشقانی

 

دوباره امتحان کنید

بازی کودکانه سرویس‌های اطلاعاتی رژیم ایران علیه حرکت ملی آزربایجان

گادتب: به گزارش مرکز گادتب به نقل از برخی سایتهای آذربایجان جنوبی،  گروه تروریستی حسینیون …

تحصن اهالی روستای زرشوران تکاب مقابل معدن طلای زرشوران

گادتب: اهالی روستای زرشوران شهرستان تکاب(تیکان تپه) آزربایجان روز سه شنبه ۷ فروردین ۱۴۰۳ در …

دیدگاهتان را بنویسید