گونئی آذربایجان ایستیقلالچیلار بیرلیگینین آذربایجان تورک میللتی و آذربایجان ملی حرکاتی فعاللارینا مراجعتی

وظیفه لیلرین سازیله اوینامامالی ییق

حورمتلی وطنداشلار

گون کئچدیکجه وطنیمیز آذربایجاندا خصوصیله ایران دئییله ن یئرده ایقتیصادی، سیاسی و ایجتماعی، چتین لیکلر ین و بحرانین آرتماسی، بیر اجتماعی پارتلاییشین اورتایا چیخما احتمالینی آرتیرماقدادیر. هر بیر وطنداش بونو حس ائدیر و حادیثه لرین باش وئره جه یینی گوزله ییر. بئله بیر تاریخی و سرنوشت ساز بیر آندا آذربایجانیمیزین میللی قووه لری هامان گون اوچون حاضیرلیق ایشلری آپارما لاری، شهرلرین چئشیدلی منطقه لری نین و بللی دوولت دایره لرینین تالانماسینین قارشی سینی آلماق، شرایطه گؤره هانسی موباریزه فورمالارینین اویقولانماسینی دوشونوب پلانلاشدیرمالیدیر. بونا گؤره ده آرامیزدا اولان بوتون سلیقه و فیکیر فرقیلیکلرینی بیر یانا قویوب، بیر یوموروق کیمی، یالنیز آذربایجانیمیزین قورتولوشو آنا هدف اولمالیدیر. بیز ایرانلی اولمادیغیمیز اوچون ایران دئییله ن یئر اوچون و اوردا حؤکومت ده ییشمه سی اوچون یوخ، یالنیز و یالنیز، آذربایجانیمیزین مستقیللیگی و مستعمره دن، ایشغالدان قورتولماسی اوچون ساواشیریق. مستقیل آذربایجانیمیزدا دا فردی، گروهی دیکتاتورلوق قورماق ایسته میریک. عکسینه چئشیدلی فیکیرلره مالیک اولان، چوخ فیرقه لی حقوقی بیر دوولت یاراتماق ایسته ییریک. بو چئشیدلیلیگی بوگون موباریزه میزده ده اؤیره نمه لی ییک. بیر- بیریمیزه ، فیکیرلریمیزه حؤرمتله یاناشمالی ییق. بیر- بیرینه تهمت آتماق، سندسیز سؤز دانیشماق بیر میللتچی یه یاراشان ایش دئییلدیر. بللی خاریجی قووه لرین و فارس ایرقیچیلرینین مادی ایمکانلاری ایله حمایت ائدیله ن شخصلرین بو گونکو وظیفه لری میللی شخصییتلریمیزی لکه لمک، میللی قووه لری پارچالاماق، تانینمامیشلاری دوشمنه تانیتدیرماق، میللی قووه لرین باشینی بوش شئیلرله قاتماقدیر. سندسیز، اساس سیز تهمت لر وورماق بو باشلاتدیقلاری خیانته خدمت اوچوندور. آنجاق بو اؤزونو آذربایجانلی بیله ن، میللی حرکته منسوب اولوب آذربایجانچی مفکوره سی داشییان بیرینه یاراشان بیر ایش دئییلدیر. چونکو بو ایش یادلارین، میللتیمیزین دوشمنلری نین قازانینا سو تؤکمکدیر. بو مقصدلی یایینلار، شایعه لر، تهمت لر قارشیدان گله ن گونلر اوچون دوشونمه یه مانع اولماقدیر. اصل مسأله نی بوراخیب یان مسأله لرله مشغول ائتمکدیر. بونا گؤره ده میللی قووه لر بئله تبلیغاتبلارین فئلینه اویمامالی، وطنیمیزین آزادلیغی اوچون بیرـ بیرلری ایله چیگینـچیگینه ساواشیب، امکداشلیق ائتمه لیدیر.

بیز ایسیتقلالچیلار اینسانلاریمیزین فیکیر و سلیقه لرینه حؤرمت قویوب، صداقت لی میللی شخص و قوروملاریمیزلا میللتیمیزین آزادلیغی، وطنیمیزین ایشغالدان قورتولماسی اوچون امکداشلیغا حاضیریق.

گونئی آذربایجان ایستیقلالچیلار بیرلیگی  (گایب)