ادتاج اتحادیه دمکراتیک ترک آذربایجان جنوبی
گادتب: تیراختور میللی حرکتین وارلیغی نین سمبولو و گؤسترگه سیدیر. طبیعی اولاراق اوز فعالییتلرینی یاشادیغی مستعمره حیاتی نین شرطلرینه اویغون سئچمکده و قاباغا آپارماقدادیر. میللی حرکاتین وارلیغی ایرقچی موستملکه چی رئژیمه و خاریجده اوتوران ایران موخالیفتینه و حتا بعضی اؤزوموزدن اولان اؤزگه لر اوچون ده بیر پروبلمه چئوریلمیشدیر. بو حرکتین ایچینه گیرمک و اونو ایچیندن پارچالاماق، رئژیمین آنا هدفلریندن ساییلیر. آمما سون حادیثه لر بونو گؤستریر کی، بو حرکتی قاباغا آپاران قووه لر بونون بیلینجینده اولوب، رئژیمین اویونلارینی پوچا چیخارماغی باجاریرلار. حتا موباریزه نین ایکینجی و اوچونجو مرحله لرینه ده حاضیرلیقلاری واردیر. بوتون موستملکه چیلرین خصوصییتلریندن بیری موستملکه سینده اولان میللتین اؤزونه اولان گووه ن و اینانجینی الینده ن آلماق دیر. بو تئهرانداکی ایرقچی رئژیم اوچون ده کئچرلیدیر. طبیعی دیرکی بیر آیاق توپو (فوتبال) یاریشینی (مسابیقه سی نی) قازانماق، قازانان میللتده اؤزونه گووه ن و ایمانی آرتیرا بیلر. بو سببدن دیرکی رئژیم ایللردیر، چئشیدلی اویونبازلیقلارلا بونون قارشی سینی آلماغا و میللتیمیزه اودوزقانلیق حیسّینی (اودوزان بیر میللت اولما) وئرمه یه چالیشیر. چونکی بیر میللت اؤزونه گووه نیب، اؤزونه اینانیرسا، بوتون دونیا اوردولاری اونون قارشی سیندا دیزه چؤکمه یه محکومدور. آذربایجان میللی حرکتی بو یولدا آدیملاییر و گوجونو تکجه اؤز میللتیندن آلیر. میللتیمیز ایستیقلالچیلیق شعاری ایله کوچه و خیابانلارا آخیشلاراق، رئژیمین ایشغالچی و جینایتکار قووه لریله اوزو ـ اوزه دوروب ساواشماغا حاضیر اولدوغونودا عملده گؤسترمیشدیر . بو میللی حرکتیمیز اوچون بیر باشاریدیر. ظفر بیزیمدیر و بیزیمکی اولاجاقدیر.
بونو دا وورغولامامیز یئرینده اولارکی، میللی حرکت او سوییه یه اولاشمیشدیر کی، اوز اعتیراضلارینی میللی ایستکلرله دیله گتیریب و ایجازه وئرمییه جکدیر کی، کئچمیشلرده اولدوغو کیمی، میللتیمیز رئژیمین ایرقچی و ایشغالچی سیاستینه قارشی اعتیراضلارینی موصادیره ائتسین لر.
یاشاسین آذربایجان میللی حرکاتی
محو اولسون ایرقچی موستملکه چی تهران رئژیمی
