ادتاج اتحادیه دمکراتیک ترک آذربایجان جنوبی
گادتب: خارجی دؤولتلره آرخالانان فارس رئژیملری، بیر عصره یاخین دیر کی، گونئی آزربایجانیمیزی ایشغال ائتمیشدیر.
ایشغالچیلار، بوتون ایمکانلاری ایله بوگونه قده ر آزربایجان نین موجودییتینی و تورک میللتینین وارلیغینی انکار ائتمه یه چالیشیب و چالیشماقدادیر.
سؤزده دؤولت اولاراق اینسان حاقلارینین بیاننامه سینه قول چکسه ده، خارجی دولتلره آرخالاناراق ییرتیجی حاکمییت ۴۰ ایله یاخیندیر بوتون بین الخالق قورال و یاسالاری آیاغ آلتینا آتاراق، قتل و جنایتله میللی ثروت لریمیزی خارجی دولتلره پیشکش چکه ره ک اؤز چیرکین حاکمییتینی سوردورمکده دیر.
بو حمایه نتیجه سینده بوتون طبیعی حاقلاریمیزی الیمیزدن آلیب، تاریخ، مدنیت و دیلیمیزی دانیب، بیزی بیر میللت اولاراق یوخ ائدیب، اؤزلرینین فاشیست ذهنیتیندن دوغان بیر کیچیک قوم (ماد – آریایی !) کیمی گوسترمه یه چالیشیب، اؤلکه میزی تالان ائده رک، بوتون یئرآلتی و یئر اوستو میللی سرمایه لریمیزی فارس بؤلگه لرینه داشیمیشلار.
عینی زاماندا بوتون مئدیا ایمکانلاریندان فایدالاناراق، چالیشمیشلار میللتیمیزی جاهیل، گئریجی و… گوسته ریب، دیل و کولتوروموزه قارشی آغیر تحقیر ائدیجی وئریلیش و فیلم لر حاضیرلاسینلار .
۲۰۰۶- نجی ایلده دؤولتین رسمی اورقانی اولان « ایران »آدلی قزئته ده تحقیر ائدیجی بیر کاریکاتور ایله ان چیرکین و غیر اینسانی شکلیده میللتیمیزی کوبود شکیلده تحقیر ائدیب و حقیقی اوزلرینی گوسته ره رک میللی وارلیغیمیزین نئجه یوخ ائتمک استراتژیلرینی اوتانمازجاسینا یایینلادیلار. بو چیرکین و اوشاقلارین ( گئله جک قوشاقلارین) بئین لرینین یوما سیاستی آرتیق میللتیمیزین صبر کاساسینی داشیردی .
میلیونلارجا آزربایجان تورکو خیاوانلاراـ کوچه لره تؤکوله ره ک “هارای – هارای من تورکم” دییه رک، اؤز وارلیغینا صاحیب چیخدیلار. بئله لیکله بیر عصره یاخین خارجی دؤولتلرین و عیرقچی فارس حاکمییتین انکار و آسیمیلاسیون سیاستینی بوشا چیخاردیلار.
۱ خورداد قیامیندا میللتیمیز گوستردی کی کیمسه اونون منلیگینی تاپدالاییب و تحقیر ائده بیلمه ز. اونلارجا شهید، یوزلرجه یارالی و مینلرجه آذربایجان تورکو توتوقلانسادا، بیر داها دونیایا گوستره بیلدیک کی، تومروس آنا، بابک آتا اؤولادلاری وار اولدوقجا آذربایجان تورکلوگونو یوخ ائتمک ایمکانسیزدیر.
تاریخ بویو گونئی آزربایجان چوخ سایدا قیام و دیره نیش لرین شاهیدی اولموش، اما ایلک دفعه دیرکی دئموکراسی، اجتماعی عدالت ایستک لری ایله بیرلیک ده اؤز میللی وارلیغینی و تورک اولدوغونو دنیایا اعلان ائتدی.
شبهه سیز بو قیام دونیا و اؤزللیکله آذربایجان تاریخینده قیزیل بیر صحیفه اولاراق قالالیب و آزادلیق یولوندا آپاریلان موباریزه میزه ایشیق ساچاجاقدیر.
یاشاسین بیر خورداد قیامینین شانلی خاطیره سی!
وار اولسون گونئی آزربایجان جمهورییتی!
شهید لر اونودولماز!
